| e-texts navigator |
| Wylie |
307b1 ཛ་ཧཱུཾ་རྦུད་པོ་ལ་ཀུ་ནས་རྦུད། དུ་དུ་རྒུད། ཁ་ལ་ཁུ་རྦད། ཤེད་ཚེ་ཏ་གོང་ཆོད། ཁ་ལ་རུག་ཏི་མུ་ཧ་རྦུད་སྭཱ་ཧ། ཟ་ཟ་ནད་སྐུམ་ཐུམ་རི་ལི་ལི། ཁེ་ལེ་ཁ་ལེ་ཤག་ཐུམ་ཀ་ནན། ཧ་ར་རྦད། ཆུམ་ཁུག་རི་ལ་སྲོག་ཙ་རྦུད་རི་ལ།
307b2 དེ་དག་གསད་ཅིང་གཟིར་བ་དང་།། གནན་ཅིང་འཕངས་དང་བསྲེག་ཅིང་གཏད།། འཁོར་ལོ་བྲི་བྱ་ཡི་གེ་དགོད།། དབྱེ་དང་དགུག་དང་བསྟིམ་པའི་ལས།། མན་ངག་འདི་བཞིན་བྱས་གྱུར་ན།། ཐེ་ཚོམ་མེད་པར་རླག
307b3 པར་བྱེད།། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། བདུད་ནང་ལྟར་བསྒྲུབ་པའི་ལེའུ་སྟེ་ང་བཞི་པའོ།། །། དེ་ནས་ཡང་འཇིགས་བྱེད་ཆེན་པོས་བདུད་གསང་བ་ལྟར
307b4 བསྒྲུབ་པ་འདི་གསུངས་སོ།། ཐོག་མར་བྱ་བ་སྔོན་སོང་ནས།། ནག་པོ་བྲག་གི་རྩར་ཕྱིན་ལ།། ལྷོར་བལྟས་རྩ་ན་ཆུ་འབབ་ཏུ།། གུར་ནག་ནང་དུ་ས་བླངས་ཏེ།། སྟེགས་བུ་འདོམ་གང་གྲུ་བཞི་བརྩིག། མི་ཁྲག་རྟ་ཁྲག་ཁྱི
307b5 ཁྲག་དང་།། རྒྱ་སོལ་བསྲེགས་ལ་ཆག་ཆག་གདབ།། དབུས་སུ་གྲུ་གསུམ་མཁྱེད་གང་བྲུ།། ཟླ་གམ་དམར་པོ་ཟོད་ཕྲེང་དཀར།། གྲུ་ཆད་ལྡང་ནག་སྒོ་བཞི་སེར།། བདུད་པོ་ཧ་ནུ་སྟག་ཤ་ཁ།། དར་ལ་གཟུགས་བྲིས
307b6 དབུས་སུ་དགོད།། ལྕགས་སམ་མཆོག་གི་ཕུར་པ་ལ།། གཤེད་པོར་བྱིན་བརླབས་དབུས་སུ་དགོད།། ཡ་དར་ནག་པོ་ལྕེ་བཞི་ལ།། ཕྱོགས་བཞིར་བདུད་བཞིའི་གཟུགས་བྲིས་དགྲམ།། ཤར་དུ་ཁུ་ལེ་ཁྱབ་པ
iiif viewer powered by OpenSeadragon
