| e-texts navigator |
| Wylie |
294a1 ཤིང་།། དངོས་གྲུབ་མཆོག་གི་ཀླད་ཁྲག་གཞལ་དུ་གསོལ།། ཁྱུང་དང་འུག་པ་ལྟ་བུའི་ཁྲ་བསྣམས་ཤིང་།། དམ་ལས་ལྡོག་པ་རྣམས་ལ་གཏོང་བར་བྱེད།། གནོད་སྦྱིན་མི་བགྲུངས་ཕྲེང་བས་སྐུ་ལ
294a2 བརྒྱན།། རྡོ་རྗེ་བརྗིད་པའི་སྟངས་སྟབས་གར་བྱས་པས།། དུར་ཁྲོད་ཆེན་པོར་མཚན་མོར་རབ་རྒྱུ་ཞིང་།། རོ་ལས་མགོ་བཅད་སོ་ཡིས་ཆེམ་ཆེམ་ཟ།། ངོ་མཐོང་ཙམ་གྱིས་སྨ་འབབ་ཞབས་ལ་གཏུགས།། ཡོན་ཏན་བྱེ
294a3 བས་བརྒྱན་པའི་ལྷ་ཁྱོད་ལ།། དེ་ནས་བཟོད་པར་བཀའ་ཡང་བདག་འདུད་ན།། གདུག་པའི་སེམས་ཀྱིས་བདག་གི་འཁོར་དུ་གཏོགས་པ་ལ།། གནོད་པར་བྱེད་པའི་མི་དང་མི་མིན་འབྱུང་པོའི་ཚོགས།། ཟུང་ཞིག་ནོན
294a4 ཅིག་སྒྲོལ་མཛད་གཤིན་རྗེའི་གཤེད།། ཡུན་གྱི་ལྷར་ཡང་ཁྱོད་ལ་གསོལ་འདེབས་ན།། རི་རབ་གསེར་གྱི་ངོས་ལ་བྱ་གནས་པ།། བྱ་ཡི་རང་བཞིན་བོར་ནས་གསེར་དུ་སྣང་།། ཐམས་ཅད་ཆོས་ཀྱི་སྐུ་ནི་བདག་བསྒོམས
294a5 པས།། བདག་གིས་རང་བཞིན་བོར་ནས་ཁྲོ་བོར་གསལ།། ལྷ་མཆོག་ཁྱོད་ལ་ཡི་དམ་སུ་བསྟེན་པ།། མི་ཡི་ཐ་མ་རྣམས་ཀྱང་མཆོག་ཏུ་འགྱུར།། དེ་བས་འདི་དང་ཕ་རོལ་གཉིས་ཀ་རུ།། སྲོག་གི་ཕྱིར་ཡང་ལྷ་མཆོག་མི
294a6 གཏོང་ན།། བྱམས་པའི་ཞལ་བཟང་བདག་ལ་བསྟན་པ་དང་།། ཐུགས་རྗེའི་སྤྱན་གྱིས་བདག་ལ་གཟིགས་སུ་གསོལ།། ཁྱེད་ལྟར་བདག་གྱུར་དེ་ལྟར་ཕྱག་ཀྱང་འཚལ།། ཡུན་རིང་གོང་ནས་ལྷ་མཆོག་བདག་བསྒྲུབས
iiif viewer powered by OpenSeadragon
