| e-texts navigator |
| Wylie |
293b1 ལ། འདུས་པའི་འཁོར་རྣམས་ཀྱིས།། ཤིན་ཏུ་དགྱེས་པས་ཡི་རངས་ནས་འདུད་སྟེ་འདི་སྐད་ཅེས་བསྟོད་དོ།། ཧཱུཾ་གཏུམ་ཆེན་རབ་འབར་གཤིན་རྗེ་འཇོམས་བྱེད་པ།། ཉི་མ་འབུམ་པས་ལྷག་པའི་འོད་ལྡན་ཁྱོད།། ཕྱག
293b2 མཚན་མང་པོ་བསྐལ་པའི་མེ་ལྟར་འབར།། རབ་བརྗིད་གཤིན་རྗེའི་གཤེད་ལ་ཕྱག་འཚལ་བསྟོད།། རྡོ་རྗེའི་སྐུ་ལ་ཀླུ་དབང་རབ་བརྒྱན་ཅིང་།། གཅན་གཟན་གདུག་པའི་ལྤགས་རློན་ན་བཟའ་གསོལ།། མི་མགོ་ཐོད
293b3 རློན་སྐུ་ཡིས་རྒྱན་དུ་བྱས།། བརྐྱང་བསྐུམ་ཚུལ་གྱིས་གཤིན་རྗེ་ཞབས་ཀྱིས་མནན།། མི་བཟད་ཁྲོ་བོའི་རྒྱལ་པོ་གདོང་དྲུག་ཧཱུཾ་སྒྲ་ཅན།། ཕཊ་ཀྱིས་ཁམས་གསུམ་སྔངས་མཛད་ཞལ་དྲུག་གདངས།། ཤ་ཟའི་མགོ་བཅད
293b4 དབུ་ཡི་ཐོད་དུ་བཅིངས།། སྤྱན་ཟློག་ཙམ་གྱིས་བདུད་ཀྱི་སེར་ཆེན་འབེབས།། ལྗགས་འདྲིལ་ཚེམས་ཀྱི་རྩེ་ནས་རྡོ་རྗེའི་ཐོག་འབེབས་ཤིང་།། འཁོར་གྱི་མ་མོ་རྣམས་ནི་འདར་ཞིང་འདུད།། དེ་བས་ལྷ་ཀླུ་གནོད་སྤྲིན
293b5 གཞན་ལྷ་སྨོས་ཅི་དགོས།། རྐན་སྒྲ་གཏོག་པས་ལྷ་ཆེན་ཁྱབ་འཇུག་ཀྱང་།། བུབ་འགྱེལ་བཅས་པས་ཁྲག་འཐུང་ཉིད་ལ་འདུད།། སྟོང་ཁམས་མིད་པར་བཅས་པའི་ཞལ་གདངས་ཅན།། ཁྲོ་གཏུམ་ཚམ་རྔམས་ཆེན་པོ
293b6 བསྟན་པས་ཀྱང་།། ཚངས་པ་འཁོར་བཅས་རྡུལ་གྱི་ཐིགས་འཛག་ཅིང་།། ནད་གཏོང་སྲིན་མོའི་ཚོགས་ཀྱང་འདར་ཞིང་འདུད།། རྒྱུ་ཕྲེང་ཁྲག་དང་བཅས་པའི་ཞལ་ཐོགས་ཤིང་།། ཕྱག་ན་ཏྲི་ཤུལ་མི་མགོ་རབ་བསྣམས
iiif viewer powered by OpenSeadragon
