| e-texts navigator |
| Wylie |
292a1 མཛོད།། བདུད་པོ་བཅུ་ཡིས་ཁྲམ་ལ་ཐོབ།། གིང་ཆེན་བཅོ་བརྒྱད་ལས་ལ་བསྐུལ།། འཆི་བདག་འཁོར་ལོའི་ལག་ཏུ་གཏོད།། དུས་ལ་བབ་པོ་ས་མ་ཡ།། དམ་ལས་མ་འདའ་ཕྲིན་ལས་མཛོད།། ཡབ
292a2 ཡུམ་གཉིས་མེད་ཐུགས་ཀྱི་སྲས།། འོག་ཕྱོགས་གཤིན་རྗེ་ཐོད་དབྱུག་ནི།། ནག་པོ་ཕྱག་ན་ཐོད་པ་བསྣམས།། ཆིབས་སུ་ས་བདག་བགེགས་པ་ཆིབས།། ས་བདག་སྟོང་ཁྱབ་མགོ་འཕྱང་མ།། ཁྲོ་མོ་ནག་མོ་རལ་པ
292a3 ཅན།། གཡས་པ་ཐབས་ཀྱི་ཡབ་ལ་འཁྱུད།། གཡོན་པ་དུང་དམར་གཙོ་ལ་སྟོབ།། ཡབ་ཅིག་འཇམ་དཔལ་བཀའ་བྱུང་གིས།། དམ་རྫས་གཏོར་མ་འདི་ལོང་ལ།། བསྟན་པ་བཤིག་པའི་གཤེད་མ་མཛོད།། བདུད་པོ
292a4 བཅུ་ཡིས་ཁྲམ་ལ་ཐོབ།། གིང་ཆེན་བཅོ་བརྒྱད་ལས་ལ་བསྐུལ།། འཆི་བདག་འཁོར་ལོའི་ལག་ཏུ་གཏོད།། དུས་ལ་བབ་པོ་ས་མ་ཡ།། དམ་ལས་མ་འདའ་ཕྲིན་ལས་མཛོད།། ཅེས་བཅོམ་ལྡན་འདས་འཇིགས་བྱེད་ཀྱི
292a5 རྒྱལ་པོས་འཁོར་རྣམས་ལ་བསྐུལ་ཏེ། སོ་སོའི་གཤེད་བསྒོས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ཕྱོགས་སྐྱོང་གི་གཤེད་བསྒོ་བའི་ལེའུ་སྟེ་ཞེ་དགུ་པའོ།། །། དེ་ནས་བཅོམ་ལྡན་འདས
292a6 འཇིགས་བྱེད་ཆེན་པོ་དེས། ཉིན་བཞི་ལྷ་ཡི་གིང་བཞི་ལ།། ཕྲིན་ལས་བཅོལ་བ་འདི་གསུངས་སོ།། རཱ་ཙ་ཧ་ལ་འཁོར་ལོའི་ལྷ།། འཁོར་ལོའི་ནག་པོ་མཱ་ར་བདུད།། དུག་གི་མཚོན་ཆ་སྔགས་ཀྱི་ཐེམས།། རྫས་ཀྱི་སྦྱོར
iiif viewer powered by OpenSeadragon
