| e-texts navigator |
| Wylie |
289a1 འགེགས།། བུད་མེད་དྲི་ཆེན་བསྲེག་ནས་ཀྱང་།། འཆི་བདག་རྣམས་ཀྱི་བཀའ་ཀུན་བཟླས།། ཞང་བོན་བཟང་པོ་ལྟ་བྲས་ནི།། ཕོ་ལྷས་འགགས་པ་དེ་དུས་སུ།། གླང་རོག་ར་བསྲེག་སྔར་བཞིན་བྱ།། ཁྭ
289a2 དང་སྦྲང་ཁུ་ལྟ་བུས་སྐྱོབ།། དགྲ་ལྷ་ཡིན་ཏེ་གསུར་ཆེན་གཏང་།། རྒྱ་ཚིལ་བསྲེག་པས་འབྲོས་པར་བྱེད།། བུད་མེད་ཤ་བ་ལྟ་བུས་ནི།། མ་ལྷ་མ་སྨན་འགོ་བ་སྟེ།། ར་དང་རྟ་སྤངས་ཏིལ་ནག་བསྲེག། ཏིང་འཛིན་མི
289a3 གསལ་བྱིང་རྨུགས་ན།། ཕོ་ལྷས་འགེགས་པ་ཡིན་པར་བརྗོད།། ཏིལ་ནག་ཉུང་ནག་གུ་གུལ་ནི།། སྦྱར་མ་བསྲེགས་ན་འཕྲོས་པར་བྱེད།། མི་འཕྲོད་དབྱེ་བའི་ཐབས་བསྟན་པ།། བྱ་རོག་འུག་པའི་གུང་རུ་ལ།། གྲོགས
289a4 གང་ཨ་དང་ཤག་ཤག་བྲི།། གོ་རིམ་བཞིན་དུ་བྲི་བར་བྱའོ།། ཡུགས་ས་མོ་ཡི་རྐང་དྲེག་དང་།། འབོག་དང་གླང་རོག་ར་ཁྲག་སོགས།། དམ་པའི་དུད་པས་དུས་གསུམ་བདུག། འདི་ནི་དབྱེ་བའི་མཆོག་ཏུ
289a5 གསུངས།། ནག་པོ་གསལ་བྱེད་སྒྲོན་མའི་དོན།། བྱ་ཐབས་ཉམས་ལེན་ཉིང་ཁུ་འདི། དུས་ནི་རང་བྱུང་དགྲ་ལ་གསུངས།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། བྱ་ཐབས་ཉམས
289a6 ལེན་ཉིང་ཁུའི་ལེའུ་སྟེ་ཞེ་བརྒྱད་པའོ།། །། དེ་ནས་འཇམ་དབྱངས་ཁྲོ་བོ་ཡིས།། མཚན་ནི་གཤིན་རྗེའི་གཤེད་པོས་བྱ།། བསྟན་པ་བསྲུང་བར་ཞལ་གྱིས་བཞེས།། ཡབ་ཡུམ་གཉིས་མེད་ཐུགས་ཀྱི་སྲས།། སྟེང
iiif viewer powered by OpenSeadragon
