| e-texts navigator |
| Wylie |
288a1 ལྀ་ཟླ་དང་།། དུས་ཚོད་ཀྱིས་ནི་གསོད་པར་བྱེད།། ཀེང་ནི་གཤེད་པོ་ལུག་དང་གླང་།། ལོ་དགྲ་བྱ་དང་སྤྲེའུ་ཉིད།། དགུན་ཟླ་དབྱར་ཟླ་ཟ་ཆུང་ཉིད།། དུས་ཚོད་བྱེད་ཡོལ་ཉི་མ་ཕྱེད།། ཧ་ལས་སྨན་ན
288a2 གསོད་འགྱུར་ན།། བསྒྲུབ་པའི་སྦྱོར་བ་སྨོས་ཅི་དགོས།། ཁྱི་འབྲུག་བྱ་ཡི་གཤེད་པོ་སྟེ།། ཕག་དང་བྱི་བ་ལོ་དགྲ་ཉིད།། མི་མཐུན་བདུན་ཟུར་ཐེ་ཚོམ་མེད།། ཟླ་གཤེད་སྟོན་ཟླ་ཐ་ཆུང་སྟེ།། ཟླ་བ་བདུན་ཟུར་རྡོ་རྗེས
288a3 གཅོད།། ཐོ་རངས་སྲོད་ལ་བསྲོས་པར་བྱེད།། བསམས་པ་ཙམ་གྱིས་འགྲུབ་འགྱུར་ན།། སྦྱོར་བ་བདུན་རྒྱུད་ཐེ་ཚོམ་མེད།། ཀུང་ལ་ཁྱི་འབྲུག་ཤིང་ཁམས་པ།། ཤིང་དང་ཁ་དོག་འདྲ་བ་སྟེ།། གསོད་པའི་ལས་ལ་ཐེ
288a4 ཚོམ་མེད།། སྟག་དང་ཡོངས་སུ་དར་བའི་དགྲ།། བདུན་ཟུར་གཤེད་དུ་གྱུར་པ་སྟེ།། ཚ་བའི་མེ་བཞིན་གསོད་པར་བྱེད། ཟླ་གཤེད་སྲོག་དང་མི་མཐུན་པའི།། བདུན་ཟུར་གསོད་དེ་ཐེ་ཚོམ་མེད།། དུས་ཚོད་ནམ་ཕྱེད
288a5 དུས་ལ་ཤིས།། ཀུན་གྱི་ཁམས་ཀྱི་གཤེད་ཆེན་པོ།། ལུས་པོ་ལྔ་ཡི་ཁམས་ལས་གསོད།། ལོ་དགྲ་གླང་ལུག་གཉིས་ཀྱིས་གསོད།། མི་མཐུན་བདུན་ཟུར་ཤིན་ཏུ་འཇོམས།། དུས་ཚོད་མཚན་མོ་རངས་པར་ཤིས།། དེ
288a6 ནས་མཐུན་འཕྲོད་བཤད་པ་ནི།། བཟང་ཞིང་གྲུབ་པར་བྱ་བ་ལས།། བདུད་ཀྱི་ཉི་མ་བདུན་པོ་ལ།། དྲག་སྔགས་ཚོགས་ཀྱིས་ཆམ་ལ་དབབ།། ཉི་མ་གྲུ་སོགས་བྲེ་རུ་འབྱོར།། བྲེ་རུ་བྱ་འཇུག་ཟླ་བར་འབྱོར།། མིག
iiif viewer powered by OpenSeadragon
