| e-texts navigator |
| Wylie |
285a1 ཁྲག་གི་སེར་བ་འབེབས།། ཁ་རླངས་ཏོག་གི་བུ་ཡུག་འཐུལ།། ཕྱག་ན་རྡོ་རྗེ་བེ་ཅོན་བསྣམས།། དམ་ཚིག་ཉམས་པའི་སྙིང་འདྲེན་མ།། དགྲ་སྙིང་ཟ་ཞིང་དགྲ་ཁྲག་འཐུང་།། དོན་སྙིང་དཀར་ནག
285a2 མཚམས་ནས་ཟ།། ཡ་མ་དམ་སྲིའི་སྙིང་ལ་བྷྱོ།། མཱ་ར་ཡ་ནི་རྦད་དུན་ནན།། དྲག་པོ་ཐུན་ཟོར་དུས་སུ་ནི།། ལས་འདི་བསྐུལ་བར་རབ་ཏུ་གཅེས།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད
285a3 ལས། གཟའ་མཆོག་མིང་སྲིང་གི་ཐུན་གྱི་བསྐུལ་བ་ལས་ཀྱི་ལེའུ་སྟེ་ཞེ་ལྔ་པའོ།། །། དེ་ནས་ཡང་དག་བཤད་པར་བྱ།། ཕུར་བུ་ལས་ཀྱི་བྱེ་བྲག་འདི།། གནམ་ལྕགས་དང་ནི་ཁྲོ་ཆུ་དང་།། སྤྲེའུ་ཐུན་གྱི་མཚོན་ཆ
285a4 དང་།། མི་ཕྱུགས་བསད་པའི་མཚོན་དུམ་དང་།། རྣོ་མཉེན་ངར་དང་བཅས་པ་དང་།། ལྕགས་སྣ་ལྔ་པོ་དེ་དག་ལ།། མགར་བ་སྤྲོ་ཐུང་གསོད་ལ་དགའ།། མགོ་དང་ཕུར་བུ་འཕྲད་དུས་སུ།། ཕུར་པ་འདི་ནི་བརྡུང་བར
285a5 ཤིས།། སོར་གྱི་ཚིགས་ནི་བཅོ་བརྒྱད་དམ།། ཡང་ན་སོར་ཚིགས་བཅུ་གཉིས་ཚད་དུ་བྱ།། ཡང་ན་སོར་བརྒྱད་ཚད་དུ་སྟེ།། ཡང་ན་སོར་གསུམ་སོར་ལྔ་ཚད།། ལས་གང་བྱ་བའི་དབྱིངས་དག་ནི།། མགོ་ཡི་སོར་གཅིག
285a6 ཚད་དུ་བྱ།། སྐེད་པ་སོར་གཅིག་དེ་བཞིན་ཏེ།། སྟོད་ནི་ཟུར་བརྒྱད་དག་ཏུ་བྱ།། སྨད་ནི་ཟུར་གསུམ་དཔལ་དུ་བྱ།། སེང་ལྡེང་ལ་སོགས་གདུག་པའི་ཤིང་།། ཚེར་མ་རྣོ་བ་གང་དག་དང་།། སྔར་བཞིན་དག་ཏུ་ཕུར
iiif viewer powered by OpenSeadragon
