| e-texts navigator |
| Wylie |
283b1 སོ།། དྲག་པོ་བཙན་ཐབས་རིམ་པ་བརྒྱད།། ལག་ན་རྡོ་རྗེས་རབ་ཏུ་ཟུང་།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ཆེན་པོ་ལས། དམག་དཔོན་བརྒྱད་ཀྱི་ཐོག་སེར་སྦྱིན་ཐང་དབབ་པའི
283b2 ལེའུ་སྟེ་ཞེ་བཞི་པའོ།། །། དེ་ནས་ཡ་མཱནྟ་ཀ་ཡི།། ཐོག་ཟོར་ཐུན་གྱི་དུས་སུ་ཡང་།། ཕྲིན་ལས་མྱུར་བར་བྱ་བའི་ཕྱིར།། དྲག་པོའི་བསྐུལ་བ་འདི་གསུངས་སོ།། ཧཱུཾ་ཤར་གྱི་སྟག་སྲིན་ཟོར་བ་གདོང་།། ན་བཟའ་སྟག
283b3 གི་ཤུན་ཆེན་གསོལ།། བསེ་ཡི་རལ་པ་ཤ་ར་ར།། ཞལ་ནས་འབྲུག་གི་སྒྲ་སྒྲོགས་མ།། གཡས་ན་བསེ་ཡི་ཕུར་པ་འདྲིལ།། གཡོན་ན་ཁྲག་ཟོར་དམར་པོ་འཕེན།། དམ་ཉམས་དགྲ་ལ་ཕོ་ལྐོག་ཐོང་།། ཐོག་དང་གློག་གི
283b4 སྣ་ཡང་འདྲེན།། དམ་ཉམས་དགྲ་བོའི་ཡུལ་ཕྱོགས་སུ།། རི་རབ་ཤར་ནས་སེར་བ་ཕོབ།། ཨོཾ་ཧ་ར་དང་ཡང་ཕོབ།། མུ་ཁ་མ་རཀྐ་ཧཱུཾ་ཧཱུཾ། ཧཱུཾ་ལྷོ་ཡི་བམ་སྲིན་དྲེད་མོ་གདོང་།། ན་བཟའ་དྲེད་ཀྱི་ཤུན་ཆེན་གསོལ།། མཐིང
283b5 གི་རལ་པ་ཤ་ར་ར།། ཞལ་ནས་གློག་གི་འོད་འགྱུ་མ།། གཡས་ན་གནམ་ལྕགས་སྟ་རེ་བསྣམས།། གཡོན་ན་ཁྲག་ཟོར་དམར་པོ་འཕེན།། དམ་ཉམས་དགྲ་ལ་གཟེར་ཐབས་ཐོང་།། ཐོག་དང་སེར་བའི་སྣ་ཡང
283b6 འདྲེན།། དམ་ཉམས་དགྲ་ཡི་ཡུལ་ཕྱོགས་སུ།། རི་རབ་ལྷོ་ནས་སེར་བ་ཕོབ།། ཨོཾ་ད་ར་མུ་ཡུམ་ཁ་རཀྑ་བྷྱོ་ཧཱུཾ་ཧཱུཾ། ཧཱུཾ་ནུབ་ཀྱི་ཀོང་སྲིན་བ་གླང་གདོང་།། ན་བཟའ་བ་གླང་ཤུན་ཆེན་གསོལ།། ཟངས་ཀྱི་རལ་པ་ཤ་ར
iiif viewer powered by OpenSeadragon
