| e-texts navigator |
| Wylie |
279b1 བཅས་པ་བྲི་བར་བྱ།། ཨེ་ཡི་དབུས་སུ་ཧཱུཾ་ཡ་རྣམས།། རྩིབས་བཞིར་མ་ར་ཙ་ཤ་དགོད།། ཞིང་ཆེན་གྱི་ནི་གཡང་གཞི་དང་།། ཁྱི་ནག་པོ་ཡི་གཡང་གཞི་དང་།། གླང་དམར་གྱི་ནི་གཡང་གཞི་དང་།། རྟ་ནག་པོ་ཡི་གཡང
279b2 གཞི་དང་།། མིའམ་ཅི་སོགས་གཡས་པ་བཤམ།། དམེ་ཁྲག་ཞལ་བུ་བཞི་ཡང་བཤམ།། དེ་ནས་ཐུན་རྫས་གཡང་གཞིའོ།། དྲག་པོར་བསྐུལ་བའི་རིམ་པ་རྣམས།། ལས་ལ་སྦྱོར་ཁའི་དུས་སུ་ཤིས།། མ་མོ་དབང་དུ་བསྡུ
279b3 བ་དང་།། གསང་བའི་རྫས་ཀྱི་བསྐང་བའང་བྱ།། ཐུན་དམར་བསྒྲུབ་པའི་གོང་དུའང་།། ལྷ་དང་དཔྲལ་བའི་རིམ་པ་བྱ།། མཱ་ར་ཡ་ཡི་ཡུལ་ཕྱོགས་སུ།། རིམས་ནད་སྣ་ཚོགས་གཏང་བའི་ཕྱིར།། སྔོན་དུ་བཤད་པའི་རྫས
279b4 རྣམས་ཀྱིས།། ནང་དུ་དུག་སྣ་སྣ་ཚོགས་བླུགས།། བསྒྲུབ་སྟེ་མཁར་དང་ཡུལ་ལ་བརྡེག། གཟའ་བདུད་རྒྱུ་བའི་དུས་ཚོད་དུ།། རླུང་དང་ཤྭ་སེར་བྱུང་བ་ལའོ།། གདོན་མི་ཟ་བར་ཡམས་ནད་འོང་།། ཕོ་ལོག་བལ་ནད
279b5 གླང་ཐབས་འོང་།། ཕྱུགས་ལ་འཕོག་ན་ལྐོག་རྒོལ་དང་།། ཕྱུགས་ནད་སྣ་ཚོགས་འབྱུང་བར་ངེས།། རྡོ་རྗེ་འཛིན་པས་རབ་ཏུ་ཟུང་།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། གཟའ
279b6 མཆོག་བསྒྲུབ་པའི་ལས་ཀྱི་རིམ་པ་དང་། ཐུན་གྱི་ཐུས་ཀ་གཅེས་པ་བསྡུས་པའི་ལེའུ་སྟེ་ཞེ་གསུམ་པའོ།། །། དེ་ནས་གཤིན་རྗེའི་གཤེད་པོ་ཡིས།། འགལ་པ་ཆམ་ལ་དབབ་པའི་ཕྱིར།། སྦྱིན་ཐང་ལས་ཀྱི་རིམ་པ
iiif viewer powered by OpenSeadragon
