| e-texts navigator |
| Wylie |
270b1 མཚམས་སུ་གནད་དུ་འཇུག་པའི།། སྙིང་པོ་དོན་མ་ཤག་ཅེས་བྱ་བ་བྲི།། བཞི་པའི་མཚམས་སུ་ཀ་པི་མུ་ཀའི་གནད་འཇུག་པའི།། རིང་པོར་སྡུད་པའི་མུ་ཤག་དགོད་པར་བྱ།། དེ་དག་དགོད་པའི་སྦྱོར་བས་ལས་ཀུན
270b2 བྱེད།། དེ་རིམ་སྦྱོར་བ་ཐབས་ཀྱིས་རྡོ་རྗེ་མཆོག། ཡེ་ཤེས་སྦྱོར་བཅས་ཀ་ཏོ་ལ་ནི་དབྱུག་འཛིན།། གཅོད་དང་རྟོག་འདྲལ་འབིགས་དང་བརྡུང་ལ་སོགས།། སྨྱོས་དང་སྐྲོད་ལ་སོགས་པའི་དོན་ཀུན།། ལས་ཀྱི་སྦྱོར་བ
270b3 ཉམས་ཤིང་རིག་སྔགས་ཉམས་གྱུར་ན།། འཆིང་དང་དུས་མེད་ཉམས་ཤིང་སྤྱོད་ཡུལ་བྲལ།། འདི་དང་ཡུན་དུ་སྐྱོན་དང་སྡུག་བསྔལ་ལྡན་པ་ཡིན།། འདོད་པའི་སྦྱོར་དང་མི་མཐུན་ཁ་ཟེང་སྣ་ཚོགས་པ།། བྲལ་ཤིང
270b4 རྟོགས་ལྡན་གཡོ་བའི་ངེས་བཅིངས་ཏེ།། མི་འདོད་སྣ་ཚོགས་སྡུག་བསྔལ་གཅིག་གིས་བྱེད།། མེའམ་འཁོར་ལོ་སྦྲུལ་བཞིན་སྦྱོར་བས་ཟིན་གྱུར་ན།། བྱ་བ་ཀུན་སྤྱོད་གཅོད་དང་བདུད་རྩི་མ་ལུས་འགྲུབ།། དེ་ལས་ལོག
270b5 ན་གཞན་དུ་འགྱུར་ཏེ་བདག་ཉིད་འཇིག། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། གནམ་ལྕགས་ཐོག་འབེབས་མེ་ལྕེ་འབྲེང་བའི་ལེའུ་སྟེ་བཞི་བཅུ་པའོ།། །། དེ་ནས་ཡང
270b6 བཅོམ་ལྡན་འདས་གཤིན་རྗེའི་གཤེད་ཀྱིས་གཟའ་མཆོག་སྒྲུབ་པའི་ཐབས་འདི་གསུངས་སོ།། དགོན་པའི་གནས་སམ་ཤིང་དྲུང་ངམ།། ནགས་འདབས་དབེན་ཞིང་ཉམས་དགའ་བར།། བྲག་དམར་ཤིན་ཏུ་ཉམ་ང
iiif viewer powered by OpenSeadragon
