| e-texts navigator |
| Wylie |
264a1 སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ལས་ཀྱི་མདོ་བྱང་ཆེན་པོ་བསྟན་པའི་ལེའུ་སྟེ་སོ་བརྒྱད་པའོ།། །། དེ་ནས་གསང་བ་བཤད་པ་ནི།། མདོར་བསྡུས་པ་དེ་རྒྱས་པར
264a2 མིན།། འཁྲུག་པ་དམར་ཐག་འཁོར་ལོ་འདི།། ལག་ན་རྡོ་རྗེས་རབ་ཏུ་ཟུང་།། དེ་དག་ཕན་ཚུན་ཐུན་སྦྱར་བ།། ཡོན་ཏན་བསྐྱེད་དང་ལས་ཀུན་རྫོགས།། དེ་ཡི་སྦྱོར་བ་འདི་དག་སྟེ།། ཐོག་མར་སྦྱོར་བ་དང་པོ་ནི།། རྩ
264a3 བའི་ས་བོན་ཡི་གེ་གཉིས།། མེ་དཔལ་མིང་གི་འཁོར་ལོ་ལ།། རིག་པ་མིང་གི་ཡི་གེ་བཞི།། བསྡུས་པས་སྦྱོར་བ་བདུད་མོའི་མིང་།། རྣལ་མར་བསྐོར་བའི་ཕྱོགས་ཀྱི་སྦྱར།། མཆོག་གི་ཡི་གེ་འབྲུ་ལྔ་ལྡན།། ཀུན་གྱི་ཐོག
264a4 མར་སྦྱར་བྱ་སྟེ།། ཕྱིར་ལ་དབུལ་ནས་བསྐོར་བྱས་ནས།། མེ་དཔལ་ཡབ་ཀྱི་འཁོར་ལོ་བཞིན།། རྣལ་མ་ལྡོག་པའི་རིམ་པ་བཞིན།། མིང་གི་མཇུག་ལ་བཏགས་བྱས་ལ།། རྗེས་སུ་མཐུན་པའི་བཞི་སྦྱར་ན།། བྱེད་པ
264a5 ཀུན་གྱི་སྙིང་པོའི་མཆོག། སྦྱོར་བ་ཀུན་གྱི་རྩ་བ་ཡིན།། མཐའ་རྟེན་ལས་ཀྱི་སྐབས་ཀྱིས་འཇུག། ལས་རྣམས་ཀུན་ལ་ཐོགས་མེད་འགྲོ།། དེ་བཞིན་ཤི་ཀྐི་ཤྲི་པན་ཙའི།། འགྲོས་ཀྱི་འབྲུ་འདེད་བདུན་པའི་སྔགས།། རྗེས
264a6 སུ་མཐུན་པ་དེ་བཞིན་ཏེ།། འཁྲིལ་བ་སྦྲུལ་དང་རུས་སྦལ་དང་།། ཆུ་སྲིན་ཀ་ཧི་ལ་ཡི་འགྲོས།། འབུར་མགོ་མགོ་མངས་འགྲོས་ཉིད་དུ།། འབྲུ་འདེད་སྟག་མོ་ཁ་སྦྱོར་བའི།། བཞི་དང་ལྔ་སོགས་དྲག་པོའི་སྔགས། ཀུན
iiif viewer powered by OpenSeadragon
