| e-texts navigator |
| Wylie |
263b1 ལག་ཅན།། གསང་བ་དགོད་པའི་རིམ་པར་བཤད།། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། བདུད་མོའི་སྙིང་པོ་སྦྱར་བ་དང་དགོད་པའི་ལེའུ་སྟེ་སོ་བདུན་པའོ།། །། དེ
263b2 ནས་གཞན་ཡང་རབ་བཤད་པ།། འཐོར་བ་བསྡུ་བའི་རིམ་པ་དང་།། ལས་ཀྱི་མདོ་བྱང་ཆེན་པོ་འདི།། རྣལ་འབྱོར་ཅན་ལ་གནས་བྱའི་ཕྱིར།། ལག་ན་རྡོ་རྗེས་རབ་ཏུ་ཟུང་།། ལས་ཀྱི་རིམ་པའི་རྡོ་རྗེ་ནི།། སྦྱོར་བ་བཞི
263b3 ཡི་ཡན་ལག་ཅན།། གཟིགས་པ་བཞི་ཡི་དོན་ཆེན་བསྒྲུབ།། འགྲོ་སྟོབས་བརྒྱད་ཀྱིས་ཡང་དག་སྦྱོར།། བཅུ་གཉིས་ཚུལ་གྱིས་ལས་བྱེད་སྟེ།། ལས་ནི་སྣ་ཚོགས་སྦྱོར་བར་བྱེད།། པདྨ་རིན་ཆེན་སོ་མ་བཏང་།། ཉི་མ་ཆུ
263b4 རླུང་རྡོ་རྗེ་དང་།། ལྕགས་བདུད་རྡོ་དང་བེ་ཐག་ཏ།། རླུང་གི་ཚེ་ན་ལིངྒ་འཕངས།། སུ་མེན་ལྷ་ཡི་ཁུ་བ་བཞིན།། ལས་ཀྱི་འདྲེན་པའི་དོན་བྱེད་དེ།། དེ་བཞིན་རི་བོ་ལྷུབ་ཆེན་དང་།། གསེར་གྱི་དགུ་ཐོག་བརྒྱབ་པ
263b5 དང་།། མཚོན་ཆ་འཁོར་ལོ་རྒྱལ་པོ་བཞིན།། ལས་དང་འདོད་པའི་བྱེ་བྲག་དབྱེ།། བཅུ་གཉིས་ལས་ལ་སོགས་པ་ནི།། རྣམ་གྲངས་བཞི་ལ་སོགས་པ་དབྱེ།། ལས་ནི་བརྒྱད་བརྒྱ་ལ་སོགས་ཏེ།། འཁོར་ལོའི་བྱེ་བྲག
263b6 དཔག་ཏུ་མེད།། སྦྱོར་བ་ཉིས་བརྒྱ་སྟོང་བཅུ་དྲུག། བསྡོམས་པས་བཅུ་དྲུག་སྟོང་ཕྲག་གཅིག། ཡན་ལག་བཅུ་གཉིས་རྩ་བ་བཞི།། སྦྱོར་བ་དྲག་པོ་སྔོན་གྱི་ལས།། འཕེན་པ་གཅིག་གིས་བྱས་པ་སྟེ།། ཞེས་གསུངས
iiif viewer powered by OpenSeadragon
