| e-texts navigator |
| Wylie |
260a1 པ་བཤད་བྱ་བ།། གན་ལོག་རྫོགས་པའི་སྦྱོར་བ་ནི།། འཁྲུལ་འཁོར་ལྷོ་ཀུན་རིམ་པ་ཡིན།། བརྒྱད་གཉིས་དེ་བཞིན་གཅིག་ཡིན་ཏེ།། སྦྱོར་བའི་བྱེ་བྲག་ལས་ཀྱིས་འབྱེད།། ཕན་ཚུན་གནས་ཀྱི་ལྷོ
260a2 འཁྲུགས་ཉིད།། ཡབ་ཡུམ་གཉིས་སུ་འདུས་པ་སྟེ།། ལས་ཀྱི་མཆོག་ཏུ་འཕེན་པར་བྱེད།། འདི་ནི་མི་བཟད་དྲག་པོའི་ལས།། ཀིའུ་ཀང་ཤ་ཟའི་འཁོར་ལོའམ།། བདུད་ནག་འབུམ་གྱི་འཁོར་ལོ་ནི།། ཧ་ལ་ནག་པོའི
260a3 སྦྲུལ་འཛིན་བཞིན།། སྟོབས་དང་ལྡན་པའི་རྒྱལ་པོ་ཡིས།། སེང་གེའི་འདུ་ཤེས་ཉེར་བཞག་སྟེ།། བག་དང་ལྡན་པས་སྦྱོར་བར་བྱ།། བདུད་བསྒྱུར་རིག་པའི་ཕོ་བྲང་ལས།། བཀའ་ཡི་འཁོར་ལོ་སྟོབས་ཆེན་གྱིས།། ཕོ
260a4 མོ་བདུད་ཀྱི་གནས་འཁྲུགས་པ།། མ་ལུས་ལས་ཆེན་འགྲུབ་བྱེད་སྟེ།། སྦྱོར་བ་ཀུན་གྱི་རྒྱལ་པོ་ཡིན།། འདི་དག་ལྡན་པའི་རྣལ་འབྱོར་པས།། རོ་ལངས་ནག་མོའི་ལྟོ་དཀྲུག་པ།། བདུད་སྡེ་མ་ལུས་འདུལ་བའི
260a5 མཆོག། ལས་རྣམས་ཀུན་གྱི་རྩ་བ་སྟེ།། དེ་ཡི་སྦྱོར་བ་བསྟན་པ་ནི།། འཁྲུལ་འཁོར་རིམ་པ་འདི་ལྟ་སྟེ།། སུམ་གཉིས་ཕན་ཚུན་ཆ་མཉམ་ཐིག། རྒྱ་གྲམ་ཉིད་དུ་ལེགས་བཏབ་སྟེ།། རུ་ཐིག་གཉིས་ཏེ་རེ་མིག
260a6 ཀྱང་།། ཐིག་མདུད་རྒྱ་གྲམ་གསུམ་གསུམ་འགྲོས།། དེ་ལྟར་སྦྱར་བ་གསལ་བྱེད་པའི།། ཆ་སྙོམས་བརྒྱད་ཐིག་ལྡན་པ་ལ།། ཆ་སྙོམས་མུ་ཁྱུད་རིམ་པ་བཞིན།། རེ་མིག་འཁོར་ལོ་ཆ་མཉམ་བྱ།། འཁོར་ལོ་རིམ་པ་ཕྲེང
iiif viewer powered by OpenSeadragon
