| e-texts navigator |
| Wylie |
259b1 གནས།། སྒྲ་དང་ལས་དེ་རྣམ་ལྔའོ།། གཤིན་རྗེ་ལ་ཡང་རྣམ་གསུམ་སྟེ།། ཕྱི་ནང་གསང་བ་གསུམ་དུ་འདུས།། གཤིན་རྗེ་དེ་དག་རེ་རེར་ཡང་།། རང་གི་ངོ་བོ་རྒྱུ་དང་སྒྲ།། གནས་དང་ལས་དེ་ལྔ་རུ་བསྟན།། གཤིན་རྗེ
259b2 དེ་དག་གནས་པས་ན།། གཤིན་རྗེའི་གྲོང་ཁྱེར་ཞེས་ཀྱང་བྱ།། གྲོང་ཁྱེར་དེ་རུ་སེམས་ཅན་ཀུན།། ཁྲིད་དང་འགུགས་དང་གནས་པས་ན།། སྲིད་པ་གསུམ་གྱི་འཇུག་ལེན་ཡིན།། ཏིང་འཛིན་ལ་ཡང་རྣམ་གསུམ་སྟེ།། ཕྱི
259b3 ནང་གསང་བ་གསུམ་དུ་འདུས།། གསུམ་པོ་དེ་དག་རེ་རེ་ལའང་།། བྱིན་གྱིས་བརླབས་པའི་ཏིང་འཛིན་དང་།། ངོ་བོ་རྒྱུ་དང་ལས་དང་སྒྲ།། དེ་དག་རྣམ་པ་དྲུག་ཏུ་འདོད།། ཕོ་དང་མོ་ཡི་མཚན་ཉིད་ཀྱང་།། གཡས་དང
259b4 གཡོན་གྱི་བྱེ་བྲག་གིས།། འགྲོ་བའི་ཆོས་བཞིན་གཅོད་པར་བྱེད།། དྲག་པོའི་ངན་སྔགས་ཕུང་བྱེད་འདི།། གཤིན་རྗེའི་གཤེད་པོས་རབ་ཏུ་བསྔགས།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི
259b5 རྒྱུད་ཆེན་པོ་ལས། ནག་པོ་གསལ་བྱེད་སྒྲོན་མའི་ལེའུ་སྟེ་སོ་ལྔ་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས། ལག་ན་རྡོ་རྗེ་ལ་འདི་སྐད་ཅེས་གསུངས་སོ།། ཉོན་ཅིག་ཟང་ཞིག་རྡོ་རྗེ
259b6 འཛིན།། བཀའ་ཡི་ཡང་གསལ་འཁོར་ལོ་འདི།། དྲག་པོའི་ལས་རྣམས་ཀུན་འདུས་ཏེ།། སངས་རྒྱས་ཀུན་གྱི་སྟོབས་བསྡུས་པ།། ཉི་མའི་འཁོར་ལོ་དག་དང་འབྲེལ།། སྦྱོར་བའི་རིམ་པའང་དུ་མང་བརྗོད།། དེ་ཡི་རིམ
iiif viewer powered by OpenSeadragon
