| e-texts navigator |
| Wylie |
253b1 དགུ་ཡིས།། ལྕགས་ཐག་སྔོན་པོས་བཅིངས་པ་དེ།། བམ་རིམ་མནན་ནས་ལྕགས་ཕུར་ལ།། དཔག་བསམ་ཤིང་བརྩམས་བཏགས་པ་སྟེ།། ལྕགས་སྒྲོག་ནག་པོས་བཅིངས་ནས་ནི།། ཁ་ནས་ཁྲག་སྨུག་རྐན་འབུད
253b2 ཅིང་།། མིག་རྩ་རིག་རིག་འོ་དོད་ཙེ་རེ་རེ།། ཅེ་མཛད་འོན་ཐོང་ཟེར་ཞིང་མནན་པར་བསྒོམ།། འཁོར་ལོ་བྲི་བའི་དུས་སུ་ཡང་།། དམིགས་བྱའི་མིང་དག་འཇུག་པ་ནི།། རྩིབས་ལ་འཁོར་ལོའི་བར་དུ་ནི།། གཅོད་པའི
253b3 ཚུལ་དུ་གཞུག་པར་བྱ།། གཞན་ཡང་གདགས་ཡིག་བཏགས་ལ་གཞུག། གནས་དང་ཐབས་ནི་འདི་ལྟར་བྱ།། ཡ་ལ་སོགས་པའི་ཡི་གེ་ལྔ།། གྲ་བཞིར་ཧཱུཾ་ཕཊ་བར་མཚམས་བཞིར།། རྩིབས་ཀྱི་རེའུ་རིམ་ཆ་བཅུ་གཉིས
253b4 དང་།། མཐའ་བསྐོར་མིང་བྲིས་ལིང་ཚེ་བརྒྱད།། དེ་དག་ཉི་ཤུ་རྩ་དགུ་ལ།། གུང་དུ་མིང་གི་མཇུག་ལ་ཡང་།། སྤུ་གྲི་བྲིས་པའི་འཁོར་ལོ་གཉིས།། ཁ་སྦྱར་བ་ཡི་བར་དུ་གཞུག། འཁོར་ལོ་སྔགས་ནི་ཀ་བ་སྟེ།། མཚན
253b5 རྟགས་སྦྱར་ལ་རབ་ཏུ་བསྒྲུབ།། དེ་དག་དོན་རྣམས་དག་ཏུ་སྦྱར།། ཨ་ཀྲོ་ཏེ་ཀ་རྒྱུན་གྱི་སྔགས།། དེ་དག་བསྒྲུབ་པའི་དུས་སུ་ཡང་།། མི་ལུས་ཕྲ་མེན་མགོ་བོ་ཅན།། སྤྱན་དང་བྲན་འཁོར་ཕ་མ་དང་།། མཆོད་རྟེན་ཆེན
253b6 པོར་བརྟེན་པ་དང་།། མེ་ཆེན་རྟག་ཏུ་འབར་བ་དང་།། རྒྱ་མཚོ་དག་ལ་མི་ནུབ་དང་།། དེ་དག་མ་བྱུང་བར་དུ་བགྲང་།། གྲུབ་པའི་མཚན་རྟགས་བྱུང་བ་དང་།། སྦྱོར་བ་ཉི་མ་བཞི་ལ་འཇུག། ཁུགས་པའི་མཚན་རྟགས
iiif viewer powered by OpenSeadragon
