| e-texts navigator |
| Wylie |
253a1 སྲིན་གྲེ་བར་རིན་ཆེན་ཆུད་པ་བཞིན།། ཁོང་དུ་བརྣགས་ཏེ་ཡོངས་སུ་བསྒྲག་པར་བྱ་བ་མིན།། གཤིན་རྗེའི་གཤེད་པོའི་ཐུགས་ཀྱི་ཡང་བཅུད་འདི།། ལག་ན་རྡོ་རྗེས་ཉོན་ལ་རབ་ཏུ་ཟུང་།། ཞེས་གསུངས
253a2 སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ཚོན་གྱི་རྡེའུ་སྔོ་དམར་འཁོར་ལོ་བྱད་སྟེམས་ཀྱི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་ཡང་བཅོམ་ལྡན་འདས་གཤིན་རྗེའི་གཤེད་ཀྱིས་འཁོར་ལོ
253a3 གནན་པའི་ཐབས་འདི་གསུངས་སོ།། སྒྲུབ་པ་ཆེན་པོ་ཡོངས་རྫོགས་ནས།། དྲག་པོ་འཁོར་ལོ་མནན་པ་འདི།། ལག་ན་རྡོ་རྗེས་རབ་ཏུ་ཟུང་།། ཤིན་ཏུ་དགོན་པའི་གནས་ཉིད་དུ།། དུར་ཁྲོད་གླིང་ནས་རས་བླངས
253a4 ཏེ།། འཁོར་ལོའི་རིམ་པ་ཚུལ་བཞིན་བྲི།། མཱ་ར་ཡ་ཡི་ལིངྒ་ཉིད།། ཇི་བཞིན་འདོད་པའི་དབྱིངས་སུ་བཅའ།། གོང་མའི་བསྙེན་པ་རྫོགས་པ་དང་།། འཁོར་ལོ་བཅས་ཀྱི་དམ་རྫས་དེ།། མཆོད་རྟེན་འོག་ཏུ་གནན་པ
253a5 བྱ།། བདག་ཉིད་ཡ་མཱནྟ་ཀ་གཉིས།། མཆོད་རྟེན་དེ་ཉིད་ངོ་བོ་ཡང་།། རི་རབ་གླིང་བཞི་ཆས་པར་བསྒོམ།། རི་རབ་ལྷོ་ན་བཞུགས་པའི་ཚེ།། སྦྱོར་བའི་ཡུམ་དང་སྒྲོལ་བའི་ཡུམ།། ཤར་དང་ནུབ་ནས་གནས་པར
253a6 བསྒོམ།། བྱང་ནས་སྲས་མཆོག་གནས་པ་སྟེ།། དེ་བཞིན་རབ་ཏུ་གནན་ཅིང་གཟིར།། རི་རབ་ཟུར་བཞིར་ལཾ་སེར་བཞིར།། དེ་ལ་གླིང་ཕྲན་བཅུ་གཉིས་བསམ།། རི་རབ་འོག་ཏུ་གཟས་པ་ནི།། གཤིན་རྗེ་རལ་པ་ཚར
iiif viewer powered by OpenSeadragon
