| e-texts navigator |
| Wylie |
247a1 རྩི་སྦྱར་བ་དང་།། དངོས་གྲུབ་རྫས་རྣམས་བཀོད་ནས་ཀྱང་།། བདག་གི་ཐུགས་ལས་འོད་འཕྲོས་པས།། བདེ་གཤེགས་རྣམས་ཀྱི་ཐུགས་དམ་རྒྱུད་ཀྱང་བསྐུལ།། བྲིས་སྐུ་དངོས་གྲུབ་རྫས་ལ་ཐིམ་བསམ
247a2 ཞིང་།། འབུམ་ཕྲག་གཅིག་གིས་བཟླས་པ་བྱ་བར་བསྟན།། གླལ་དང་སྦྲིད་པ་བརྐྱང་བསྐུམ་གཉིད་ཀྱང་སྤང་།། བརྩོན་འགྲུས་དྲག་ན་བསམ་པ་བཞིན་དུ་འགྲུབ།། དེ་ནས་གཞན་ཡང་བཤད་བྱ་བ།། ཡིད་འཐད་མཚན
247a3 ལྡན་གནས་དག་ཏུ།། འཆི་བདག་བདུད་བསྒྲུབ་བསྙེན་པ་ཡང་།། ཡ་མའི་གནས་སུ་བྱ་བར་གསུངས།། འབུམ་ཕྲག་གཅིག་གི་བསྙེན་པ་ནི།། བདག་ཉིད་གཤེད་པོའི་མཐུ་ལྡན་པས།། མདུན་གྱི་རི་རབ་ཆེན་པོ
247a4 ཡང་།། དེ་བཞིན་གཤེགས་པའི་ཐུགས་སྦྱར་ཏེ།། བདག་གི་ཐུགས་ཀའི་ཡི་གེ་ལས།། ནག་པོ་མེ་འདྲ་འོད་ཟེར་བསམ།། དེ་ལ་བཟླས་པའི་ཡིག་འབྲུས་བསྐོར།། དེ་བཞིན་བདག་གི་ཐུགས་ཀ་ནས།། སྔགས་ནི་རབ་ཏུ
247a5 བཟླས་བསམ་པས།། འོད་འཕྲོས་ལས་ཀྱི་གཤིན་རྗེ་ལ།། གཤེད་པོའི་འོད་ཀྱི་ཕོག་གྱུར་པས།། ཐུགས་དམ་བསྐུལ་ནས་སྐད་ཅིག་ཀྱང་།། འདུག་པའི་དབང་མེད་འོང་བར་འགྱུར།། བདག་གི་བཀའ་ཉན་གསུང་སྡོད
247a6 བསམ།། ལས་ལ་སྦྱོར་བའི་བསྙེན་པ་སྟེ།། འཆི་བདག་ལས་ཀྱི་གཤིན་རྗེ་རྣམས།། གནས་སུ་གཏོར་བར་གཤེད་པོས་བཤད།། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ལྷ་བསྒྲུབ
iiif viewer powered by OpenSeadragon
