| e-texts navigator |
| Wylie |
245b1 དབང་པོ་ལག་ན་རྡོ་རྗེས་འདི་སྐད་ཅེས་ཞུས་སོ།། གཤིན་རྗེའི་གཤེད་ཀྱིས་གསུངས་པའི་དོན།། བདག་སྡུད་འདི་ཡི་དོན་ཤོད་ཅིག། བསོད་ནམས་ཚོགས་ཀྱི་ཡན་ལག་དང་།། བསྙེན་པ་དང་ནི་ཉེ་བསྙེན་པ།། དངོས
245b2 གྲུབ་ལེན་དང་བསྒྲུབ་པ་དང་།། འཆི་བདག་བདུད་དང་གཤིན་རྗེའི་བསྙེན་པ་དང་།། བསད་པའི་ལས་ཀྱི་བསྙེན་པ་གང་ལ་བགྱི།། གཤིན་རྗེའི་གཤེད་པོས་བཀའ་སྩོལ་ཅིག། གཤིན་རྗེའི་གཤེད་པོས་བཀའ་སྩལ
245b3 པ།། ཉོན་ཅིག་ལག་ན་རྡོ་རྗེ་འཛིན།། འཆི་བདག་རྣམས་ཀྱི་བཤད་བྱ་བ།། དེ་ཡི་དོན་འདི་ཡང་དག་ཟུང་།། དང་པོར་ཡིད་འཐད་གནས་བཙལ་བར།། ཚ་ཚ་ཉེ་འདོན་འབུམ་ལ་སོགས།། བསོད་ནམས་དག་པའི
245b4 ཚོགས་གསོག་པ།། ཚད་མེད་བཞི་དང་ཡན་ལག་ལྔ།། བདུན་གྱིས་ཀུན་རྫོབ་སེམས་བསྐྱེད་པ།། དོན་དམ་བྱང་ཆུབ་མཆོག་ཏུ་སེམས་བསྐྱེད་པ།། རྣམ་པར་མི་རྟོག་ངང་དུ་ཅི་རིགས་བསྒོམ།། དེ་ལྟ་མ་རྟོགས་འགྲོ་ལ
245b5 སྙིང་རྗེ་བསྐྱེད།། ཏིང་འཛིན་གཉིས་ཀྱིས་རང་རྒྱུད་དོན།། རིག་པའི་ཡེ་ཤེས་ཡི་གེ་མཱཾ་དུ་གསལ།། སྤྲོས་བསྡུས་འཇམ་དཔལ་སེམས་དཔའི་སྐུར་བསྐྱེད་དེ།། གོང་ལྟར་ལས་རྣམས་ཡོངས་སུ་རྫོགས་པས་ནི།། བསོད
245b6 ནམས་ཚོགས་ཀྱི་ལས་དེ་དང་པོའོ།། དེ་ལས་ཡེ་ཤེས་ལྷ་བསྙེན་ནི།། ཡང་དག་པར་ནི་བསྡུས་ནས་བཤད།། ཡིད་འཐད་མཚན་ལྡན་གནས་དག་ཏུ།། གོང་དུ་བསོད་ནམས་ཚོགས་ལ་གནས་ནས་ནི།། ཕྱི་ནང་གསང
iiif viewer powered by OpenSeadragon
