| e-texts navigator |
| Wylie |
241b1 ལ་སེམས་ཐུད་ཅིག། བསད་པ་ལས་ཀྱི་བསྙེན་པ་ནི།། ཡིད་འཐད་མཚན་ལྡན་གནས་དག་ཏུ།། གོང་གི་ལས་རྣམས་རྫོགས་བྱས་ཏེ།། དེ་ཡང་འཆི་བདག་བསྙེན་པ་ནི།། སུམ་ཅུ་རྩ་གཉིས་དྲིལ་ལ་བཟླས།། ལས་ལ
241b2 སྦྱོར་བའི་དུས་དེ་རུ།། སྣ་ལ་རོ་ཚས་རས་བཙལ་ཏེ།། མས་ཡར་བགྲང་བའི་ཚེས་བརྒྱད་དེ།། ཉི་ཤུ་གཉིས་ཀྱི་ནུབ་མོ་ནི།། དུར་ཁྲོད་གླིང་ནས་རས་བླངས་ལ།། དམེ་ཁྲག་གསུམ་དུ་བྱུགས་བྱས་ལ།། འཆི་བདག་གཤིན
241b3 རྗེ་དེ་ལ་བསྟིམ།། ཡབ་ཡུམ་ལས་ལ་སྦྱོར་བ་ཡིས།། སྔགས་འདི་ཉིད་ཀྱང་རབ་ཏུ་བཟླས།། ཨོཾ་ས་མ་མཉྫུ་ཨ་ཀྲོ་ཏེ་ཀ་ཀ་ལ་རཱུ་པ་ཧཱུཾ་ཕཊ། ཉི་ཤུ་དྲུག་གི་སྔ་དྲོ་ལ།། རོ་རས་བཀྲུ་དང་བརྒྱད་སྦྱང་བྱ།། ཉིན་ཕྱེད་མན་ཆད
241b4 སྣག་ཚ་མཉེ།། དབང་དུ་བསྡུ་བའི་སྔགས་འདི་བཟླས།། ཨོཾ་དུ་ཡ་ཡ་མཱནྟ་ཀ་ར་ཧཱུཾ་ཧཱུཾ་ཕཊ་ཕཊ། སྣག་ཚ་མཉེ་པའི་ལས་ཟིན་ནས།། དེ་ཡི་དགོངས་ཁ་འཁོར་ལོ་བྲི།། བྲི་བ་ཟིན་ནས་ལྷ་ཕྱག་འཚལ།། བཀའ་བདེན
241b5 འགྲུབ་པར་གྱུར་ཞེས་བྱ།། ཡང་ན་དུར་ཁྲོད་རས་མེད་ན།། ཐོད་པ་དག་ལ་འཁོར་ལོ་བྲི།། ཨག་རྩེའི་ངོས་སུ་འཆི་བདག་གཟུགས།། གཟུགས་ཀྱི་སྙིང་གར་མིང་བྱང་བྲི།། དགྲ་ཡི་མིང་རུས་ཐོད་པར་གཞུག། འཁོར་ལོ
241b6 དབུས་ཀྱི་ཡ་ལས་ཀྱང་།། འཆི་བདག་གཤེད་པོའི་སྐུ་རུ་བསྐྱེད།། ཕྱོགས་ཀྱི་ཡ་མེ་ཏ་ཀྵེ་བཞི།། བཞི་ལས་གཤེད་བཞིའི་སྐུ་བསྐྱེད་པས།། བདག་གི་མདུན་དུ་རི་རབ་ལས།། གསེར་གྱི་རི་བདུན་བཅས་པར
iiif viewer powered by OpenSeadragon
