| e-texts navigator |
| Wylie |
23a1 གྲུབ་སྟེར།། རྫས་ལ་འོད་དང་དུ་བ་འབྱུང་།། རྨི་ལམ་མགོ་ལ་ཉི་མ་ཤར།། མཆོད་རྟེན་རྩེ་ལ་སྡོད་པ་དང་།། བུད་མེད་ཚོགས་འདུས་བསྙེན་བཀུར་བྱེད།། ལུས་བདེ་ངག་ནུས་སེམས་རྟོགས
23a2 འཆར།། བུམ་པའི་རྫས་ལ་དངོས་གྲུབ་བླང་།། རྒྱུན་དུ་ཟ་ཚོགས་དྲང་ཞིང་རྟེན།། བདེ་གཤེགས་གཅིག་གྲུབ་ཀུན་གྱི་ངང་།། དེ་བཞིན་བསྒྲུབ་ཆོས་ལས་སྦྱོར་སྩོགས།། གསང་སྔགས་རྒྱུད་སྡེ་བསམ་ཡས་ཀྱི།། ལས
23a3 སྦྱོར་ལ་སོགས་གང་དང་གང་།། གང་ལ་བརྩམས་ཀྱང་ཐེ་ཚོམ་མེད།། དཀྱིལ་འཁོར་བསྡུས་ཏེ་རྒྱུན་སྤྱོད་བྱ།། ཞི་ཁྲོ་ཡོངས་རྫོགས་བསྙེན་བསྒྲུབ་འདིར།། དུས་གསུམ་བདེ་གཤེགས་གསང་བ་འདུས།། བདག་གཞན
23a4 ཡོངས་ཀྱི་དཔལ་ཆེན་པོ།། མཆོག་གི་དམ་པ་འདི་བསྒྲུབས་པས།། བདག་སྲུང་རྩ་བའི་བསྙེན་པའོ།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། ཞི་ཁྲོ་ཡོངས་རྫོགས་འདུས་པའི་བསྙེན
23a5 བསྒྲུབ་གཞི་བསྟན་པའི་ལེའུ་སྟེ་བརྒྱད་པའོ།། །། དེ་ནས་འདུས་པའི་འཁོར་རྣམས་ཀྱིས། སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ།། ཀྱེ་ཀྱེ་ཀྱེ། ཚོགས་ཀྱི་སློབ་དཔོན་ཀུན་ཏུ
23a6 བཟང་།། ཚོགས་རྗེ་ཚོགས་བདག་ཧེ་རུ་ཀ། རྒྱུད་དོན་ཡོངས་རྫོགས་བསྒྲུབ་ཆེན་པོ།། བདག་ཅག་འཁོར་ལ་བཀའ་སྩལ་ཞུ།། དེ་སྐད་གསོལ་པར་ཐུགས་དགོངས་ཏེ།། སྟོན་པ་ཆེན་པོས་བཀའ་སྩལ་པ།། འདུས་པའི
iiif viewer powered by OpenSeadragon
