| e-texts navigator |
| Wylie |
237a1 གཉིས་རྩེ་ལའང་།། ཕུར་པ་བཅུ་གཉིས་རིམ་གྱིས་སོ།། འཁོར་ལོ་བཅུ་དྲུག་རྩེ་མོ་ལ།། ཀེའུ་སིང་བཅུ་དྲུག་ཕུར་པ་དགོད།། ཕྱོགས་བཞིར་བསེ་མོའི་ཕུར་པ་དགོད།། ཉི་ཤུ་རྩ་བརྒྱད་རྩང
237a2 ལའང་།། དབང་ཕྱུག་ལ་སོགས་ཁྱམས་ལའོ།། བསྒྲུབ་བྱའི་དམ་རྫས་གཏོར་མ་གཏང་།། བསྙེན་པའི་ལྷ་དེ་དཔལ་ལ་གཅིག། བསྙེན་པའི་ལྷ་དེ་ཡ་མཱནྟ་ཀ་ལ།། ཆག་ཅིག་བཤམ་སྟེ་ལུས་སུ་གཉེར་བའི་ལྷ།། ཉི་བཞི
237a3 གཤེད་ལ་ཆ་གཅིག་དབུལ།། ཕྲིན་ལས་གཉེར་བའི་ལྷ་དེ་གྲི་ཐོགས་གིང་།། ཁྲམ་ཐོགས་བདུད་དང་ཉིད་ལ་གཅིག། མ་མོའི་ཚོགས་ལ་གཅིག་ཀྱང་དབུལ།། ཞི་ཁྲོའི་ལྷ་ཚོགས་ལས་གཞུང་བསྲང་།། ཞེས་ནི་གཤིན
237a4 རྗེའི་གཤེད་པོས་བཤད།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། དཀྱིལ་འཁོར་བཅའ་གཞིའི་ལེའུ་སྟེ་ཉི་ཤུ་གཉིས་པའོ།། །། དེ་ནས་མཐུ་སྟོབས་ཀྱི་བདག་པོ་ཕྱག་ན་རྡོ་རྗེས་འདི་སྐད་ཅེས
237a5 གསོལ་ཏོ།། ཧེ་ཧེ་དཔའ་བོ་འཇམ་པའི་མགོན།། ཕྱོགས་སྐྱོང་འདུས་པའི་གཤེད་པོ་སྟེ།། དཔའ་བོའི་འཁོར་དུ་གཏོགས་པ་རྣམས།། ཚུལ་བཞིན་བཤད་པའི་དོན་རྣམས་ལ།། ཕྲིན་ལས་གཞུང་བསྲང་ཇི་ལྟར།།
237a6 བསྲང་།། ཏིང་འཛིན་རྣམ་གསུམ་ཇི་ལྟར་བསྐྱེད།། སྤྱན་དྲང་བཞུགས་མཆོད་ཇི་ལྟར་བགྱི།། འཇམ་པའི་མགོན་ལ་བདག་ཉན་འཚལ།། དཔའ་བོ་ཆེན་པོས་བཀའ་སྩོལ་ཅིག་དེ་ནས་བཅོམ་ལྡན་འདས་གཤིན་རྗེའི
iiif viewer powered by OpenSeadragon
