| e-texts navigator |
| Wylie |
236b1 ལ་བྱ།། བྱིན་བརླབ་རྣམས་དང་ཐིག་གདབ་པ།། རྣལ་འབྱོར་མན་ངག་ལྡན་པས་བྱ།། ཐིག་ནི་བརྒྱད་ཀྱི་ཆ་རུ་བྱ།། ཐིག་བསྐོར་བཞི་དང་ལྡན་པ་ལ།། ཐིག་བསྐོར་གསུམ་ལ་ཐིག་གསུམ་གདབ།། ལེའུ་ཚེ་དག་ནི་དགུ
236b2 རུ་འགྱུར།། ཕྱི་རོལ་ཐིག་བསྐོར་རྡོ་རྗེའི་རྭ།། ཐིག་བསྐོར་གཉིས་པོ་དག་ལ་ནི།། བཅུ་གཉིས་རྩིབས་དང་ལྡན་པར་བྱ།། ཡ་མ་མེ་ཏ་ཀྵེ་ཞེས་པ།། ཕྱོགས་བཞི་དབུས་ཀྱི་ལེའུ་ཚེ་ལ།། དྲག་པོ་སྔགས་ཀྱི་ཡི་གེ
236b3 དགོད།། བཅུ་གཉིས་རྩིབས་དང་ལྡན་པ་ལ།། རཱ་ཙ་ས་ཏོ་བཞི་དག་དགོད།། རུ་ན་ཡོ་ནི་དག་དང་ཡང་།། ཪྻ་ཙ་ནི་ཞེས་པ་ནི།། འཁོར་ལོའི་རྩིབས་ལ་དགོད་པར་བྱ།། ཐིག་བསྐོར་གསུམ་པ་དག་ལ་ནི།། བཅུ་དྲུག
236b4 རྩིབས་དང་ལྡན་པ་ལ།། ཧྲཱིཿཥྚྲྀཿསྔགས་ཀྱི་ཡི་གེ་དག། བསྒྲུབ་བྱའི་མིང་དང་སྤེལ་ལ་དགོད།། རྡོ་རྗེ་ར་བའི་ཕྱི་རོལ་དུ།། སྒོ་དང་སྒོ་ཁྱུད་ལྡན་པར་བྱ།། དབུས་ནས་དྲག་པོའི་གྲུ་གསུམ་གནག། ལིང་ཚེ་བཞི་ནི་ཕྱོགས
236b5 དང་སྦྱར།། ས་སྟོང་ཚོན་གྱིས་མཛེས་པས་བྱ།། བཅུ་གཉིས་དྲག་པོའི་བཅུ་དྲུག་རྒྱས།། རྡོ་རྗེ་ལྗགས་ལ་གྲུ་ཚད་ལྡང་།། ལྕགས་རི་སྒོ་རྣམས་ཕྱོགས་དང་སྦྱར།། གཤིན་རྗེ་ལྟོ་ཤར་བྱང་ནུབ་ལ།། བུ་དོན་ལྷོ་ཡི་ཕྱོགས་སུ
236b6 དགྲམ།། ཤ་ཁྲག་རྫས་དང་མེ་ཏོག་སྔོ།། ལྷོ་ཡི་ཕྱོགས་ནས་དབུལ་བར་བྱ།། དྲག་པོའི་རྫས་ཀྱི་གའུ་ལ།། མངའ་གསོལ་དབང་བསྐུར་བྱས་ནས་ཀྱང་།། དཀྱིལ་འཁོར་སྟེང་དུ་བཞུགས་སུ་གསོལ།། འཁོར་ལོ་བཅུ
iiif viewer powered by OpenSeadragon
