| e-texts navigator |
| Wylie |
233b1 སྦྱར།། དེ་ནས་བཙ་ཧྲི་ཏཱ་མ་ཧ་ཧ་བྷུ་སྟེ།། དེ་དག་དེ་བཞིན་རིམ་སྦྱར་ཏེ།། རྡོ་རྗེ་སྲིན་པོའི་སྦྱོར་བ་ཡིན།། དེ་བཞིན་གཞན་མའི་སྦྱོར་བ་ཡང་།། རིན་ཆེན་གསེར་གྱི་ཡིག་འབྲུ་ལམ།། རྡོ་རྗེ་སྲིན་པོའི་འཁོར་ལོ
233b2 བསྐོར།། དྲག་པོ་རྒོད་ཀྱི་ཡིག་འབྲུ་བཏུ།། མཐུན་པའི་ལྟོ་སྦྱོར་ཚིག་གི་ལམ།། དྲག་པོའི་སྦྱོར་བས་གནད་དགུ་བྱེད།། རིམ་པ་སྔ་མ་དེ་བཞིན་ནོ།། གཡས་ལོགས་ལྷ་ལམ་ནག་པོའི་འཕྲོས།། ནག་པོ་འབྲུ་གཅིག་ཐོག
233b3 འགྲོ་སྟེ།། དབུས་ཀྱི་འབྲུ་བཞི་རིམ་པ་ཡིས།། འབུར་འགྲོ་མགོ་མངས་སྟོབས་ཀྱིས་བསྡེབ།། དྲག་སྔགས་བདུན་པའི་འཁོར་ལོ་ཡང་།། གཉིས་གཉིས་དག་ཏུ་ཤེས་པར་བྱ།། ཉི་མའི་གྲངས་དང་དེ་བཞིན་སྦྱར།། གནད
233b4 གཞི་སྒོ་ལྔ་གཞོམ་པའི་ཕྱིར།། འབྲུ་ལྔ་བྲུ་བཞི་སྦྱར་བར་བྱ།། རྩ་གསུམ་གནས་དང་རྟེན་བཞི་གསུམ།། འཇོམས་བྱེད་དྲག་པོའི་ཡིག་འབྲུ་གསུམ།། བདེ་བྱེད་ཚངས་པའི་གནས་ནས་གདོན།། དང་པོའི་ལས་ལ་ཤིས་པ
233b5 སྟེ།། ཕྱོགས་བཞི་མཐའ་ནས་དབུས་སུ་སྦྱར།། དྲག་པོ་དགུ་ཡིས་གནན་པར་བྱ།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། དྲག་པོ་རྡོ་རྗེ་དམེ་འཐབ་ཀྱི་ལེའུ་སྟེ་ཉི་ཤུ
233b6 པའོ།། །། དེ་ནས་བཅོམ་ལྡན་འདས་གཤིན་རྗེའི་གཤེད་ཀྱིས། ཁྲག་འཐུང་ཁྲོས་པའི་དཀྱིལ་འཁོར་འདི་གསུངས་སོ།། ཉོན་ཅིག་རྡོ་རྗེ་འཛིན་པ་ཁྱོད།། ལས་རྣམས་བཟློག་པའི་དཀྱིལ་འཁོར་དེ།། གཤེད
iiif viewer powered by OpenSeadragon
