| e-texts navigator |
| Wylie |
228a1 དང་ལྡན།། རྣོ་བ་སྤུ་གྲིའི་སོ་བཞིན་ཏེ།། གཅོད་པ་མཚོན་ཆེན་འཁོར་ལོ་ལྟར།། གང་ཡིན་དེ་ཉིད་དེ་བྲལ་འགྱུར།། གང་དང་ལྡན་ན་དེ་ཐོགས་མིན།། འདི་དག་སྦྱོར་བ་བསྔགས་པའོ།། གཞན་ཡང་རིམ
228a2 པའི་དབྱེ་བ་ནི།། ཐོག་མའི་འབྲུ་གཉིས་བཞི་པ་དང་།། དྲུག་པ་བདུན་དང་བརྒྱད་པ་སྟེ།། བཅུ་དང་བཅུ་གཅིག་བཅུ་གཉིས་ཏེ།། དེ་བཞིན་བཅུ་གསུམ་པར་སྡེབ་པ།། ཐབས་སྟོན་སྐབས་དང་ལྡན་པར་སྦྱར།། དགུ་པའི
228a3 ལས་ལ་འཇུག་པའོ།། དེ་དག་སྤུ་གྲིའི་འཁོར་ལོ་སྟེ།། འབིགས་དང་གཅོད་པར་བྱེད་པ་ཡི།། རྡོ་རྗེ་འཁོར་ལོའི་སྒྲ་གྲི་ཡིན།། དེ་དག་རྣལ་མའི་སྦྱོར་བ་ཡིན།། སྒྲུབ་པའི་སྐབས་སུ་སྦྱོར་བར་བྱའོ།། དཔལ་གཤིན་རྗེ་ཟླ
228a4 གསང་ནག་པོ་རྩ་བའི་རྒྱུད་ལས། གཅོད་བྱེད་སྤུ་གྲི་ལས་སྣ་ཚོགས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་བཅོམ་ལྡན་འདས་གཤིན་རྗེའི་གཤེད་ཀྱིས་འཁྲུལ་འཁོར་སྔགས་ཀྱི་བཏུ་བ་ཐབས་ཤེས
228a5 རབ་གཉིས་སུ་མེད་པ་འདི་གསུངས་སོ།། ཐབས་དང་ཤེས་རབ་བྱེ་བྲག་གིས།། སྒྲ་དང་དབྱངས་ཀྱི་སྦྱོར་བ་ལས།། དྲག་པོ་སྔགས་ཀྱི་འབྲུ་བཏུས་ཀྱིས།། བྱ་བ་མ་ལུས་སྒྲུབ་པར་བྱེད།། སྒྲ་ནི་འཇུག་པའི་རྒྱུ་ཡིན
228a6 ཏེ།། དབྱངས་ནི་སྦྱོར་བའི་རྐྱེན་དུ་བཤད།། དེ་ནི་ཉེ་བར་བསྟན་པ་སྟེ།། འཇིག་རྟེན་འདས་དང་མ་འདས་པའི།། རིག་པ་གཉིས་འཛིན་སྦྱོར་བའོ།། རྫོགས་ལྡན་སྦྱོར་བ་ཐམས་ཅད་དེ།། ཡོན་ཏན་རྫོགས་པའི་ཡི་གེ
iiif viewer powered by OpenSeadragon
