| e-texts navigator |
| Wylie |
226a1 ནི།། བྷི་ཀ་ཡ་ཕྲེང་འབྱེད་པ་སྟེ།། འདི་ཡི་སྦྱོར་བ་ཡང་དག་ནི།། རླུང་དང་ནམ་མཁའ་ས་སྒྲ་དང་།། རེག་བྱ་དུས་དང་དྲི་རྣམས་ཏེ།། ཐོག་མའི་རླུང་ནི་མཐར་ཡང་སྟེ།། རིམ་པ་དེ་བཞིན་སྦྱར་བར
226a2 བྱ།། སྡང་བའི་གནོད་པ་མ་ལུས་པ།། མི་མཐུན་རིགས་སུ་འབྱེད་པ་སྟེ།། ལས་ཀྱི་དབྱེ་བ་མ་ལུས་བྱེད།། རང་ལ་རང་ཡང་འཇོམས་བྱེད་ཅིང་།། རིགས་གཅིག་རྒྱུད་ཀྱང་འབྱེད་པར་བྱེད།། དེ་དག་རིམ་པའི་སྦྱོར་བ
226a3 ནི།། ཤ་ཟ་མགོ་བཞི་དེ་ལྕེ་གཉིས།། སྦྲུལ་ཆེན་གདུག་པའི་འཁོར་ལོ་ཡིས།། ཡན་ལག་དྲག་པོའི་སྦྱོར་བ་བྱེད།། མཆོག་གི་ལས་ལ་སྦྱོར་བ་ཡིན།། གཞན་ཡང་ཡན་ལག་བརྗོད་པ་ནི།། ཧ་ནུ་གནོན་པའི་བེ་ག
226a4 ཏ།། འཁྲུལ་པར་བྱེད་པའི་འཁོར་ལོ་བཞི།། ལས་དང་བྱེད་པའི་སྦྱོར་བ་ནི།། འདི་ལྟར་གོ་རིམ་བཞིན་དུ་བསྡེབ།། གཟིར་དང་ལྐུགས་དང་སྨྱོ་བ་དང་།། རེངས་པ་ལ་སོགས་བྱ་བ་བཞི།། སྦྱོར་བ་འདི་ཡིས་བྱེད་པ
226a5 སྟེ།། རླུང་དང་ནམ་མཁའ་རོ་ཡི་གཟུགས།། མེ་དང་ལྟ་བྱེད་སྣ་དང་ཆུ།། སྒྲ་དང་དེ་བཞིན་ཐོག་མའི་རླུང་།། རིམ་པ་ཇི་བཞིན་ཉིད་སྦྱར་བ།། དང་པོ་ལས་སུ་བདེ་བ་ཡིན།། དེ་བཞིན་རླུང་སྒྲ་ཆུ་དང་ལྕེ།། རྣ་བ་ལུས་དང
226a6 དུས་དང་དྲི།། རོ་དང་ནམ་མཁའ་དེ་བཞིན་རླུང་།། དེ་དག་ཇི་བཞིན་རིམ་པར་བྱ།། དེ་བཞིན་གཉིས་པའི་སྦྱོར་བ་ཡིན།། གསུམ་པའི་སྦྱར་བ་འདི་ལྟ་སྟེ།། རླུང་དང་ས་མེ་ལྟ་བྱེད་སྣ།། མཆུ་དང་ལྕེ་དང་རྣ་བ
iiif viewer powered by OpenSeadragon
