| e-texts navigator |
| Wylie |
225b1 བཟུང་སྟེ།། རིམ་པ་རྣལ་མའི་རྗེས་སུ་བསྐོར།། དབུས་ཀྱི་འབྲུ་གཅིག་ཐོག་མར་སྦྱར།། རྗེས་སུ་ཕྱི་རོལ་གསུམ་གསུམ་སྦྱར།། རྡོ་རྗེས་ནམ་མཁར་རེ་ཏྲི་དུས།། རེག་བྱ་ལུས་དང་རྣ་བ་ལྕེ།། སྒྲ་དང་ཆུ་སྣ་མིག་ཏུ
225b2 སྦྱར།། དེ་དག་དེ་བཞིན་རིམ་སྦྱར་ལ། ཡ་མ་ཀ་ལ་སུ་སི་སྟི།། བྷེ་ཧ་རོ་ཡི་སྦྱོར་བ་ཡིན།། རིམ་པ་གཞན་ཡང་བཤད་བྱ་བ།། དབུས་ཀྱི་འབྲུ་ལྔ་རིམ་སྦྱར་བས།། མཚམས་ཀྱི་གཉིས་པ་དེ་རྗེས་སྦྱར།། ལས་ཀྱི་བྱེ་བྲག
225b3 སྦྱོར་བཞི་ཡིས།། ལས་རྣམས་དེ་བཞིན་བྱེད་པ་ཡིན།། དེ་ཡི་བྱེ་བྲག་ཉེར་བསྟན་པ།། རླུང་དང་ས་དང་སྒྲ་རེག་བྱ།། ནམ་མཁའི་ཡིད་གཟུགས་དང་པོ་ཡང་།། ཐ་མ་ཉིད་ལ་སྦྱར་བ་སྟེ།། དེ་དག་རིམ་བཞིན་སྦྱར་བས་ནི།།
225b4 དེ་ནི་བདག་དབང་སྟི་པི་སྟེ།། རིམ་པ་ཡན་ལག་གཞུང་བཞིན་ནོ།། གཞན་ཡང་རིམ་པ་བསྡེབ་བྱ་བ།། རླུང་སྒྲ་རེག་བྱ་ནམ་མཁའ་ལས།། མེ་དང་ལྟ་བྱེད་ཉིད་སྦྱོར་ཏེ།། ཀུན་གྱི་ཐ་མར་དེ་བཞིན་རླུང་།། རིམ་པས་རྗེས
225b5 སུ་བསྡེབ་པར་བྱ།། དེ་ནི་རྒྱལ་པོ་བློན་པོ་སོགས།། ནག་པོ་གདུག་པའི་སེམས་ལྡན་ཀུན།། བདག་གི་དབང་དུ་མ་གྱུར་ན།། མཐའ་འཁོབ་འཕར་མའི་ཡུལ་དུ་བསྐྲད།། དེ་བཞིན་རིམ་པ་གཞན་ཡང་ནི།། རླུང་དང་རེག
225b6 བྱ་ནམ་མཁའ་ས།། སྒྲ་དང་ལྕེ་དང་དེ་བཞིན་སྣ།། རིམ་པ་དེ་བཞིན་སྦྱར་བ་ནི།། དེས་ནི་མྱོས་དང་འབོག་པར་བྱེད།། རིམ་པའི་ཆོ་ག་ལྡན་པ་ཡིས།། རྣམ་པ་གཞན་ཡང་བྱེད་པ་ཡིན།། གཞན་ཡང་དབྱེ་བའི་སྦྱོར་བ
iiif viewer powered by OpenSeadragon
