| e-texts navigator |
| Wylie |
223b1 མ་ངེས་འགྱུར།། སྦྱོར་བའི་ལས་ནི་ཚད་མས་འགྲུབ།། ཚད་མ་གཉིས་གསུམ་ཉེ་ལྡན་པས།། མི་འགྱུར་ནག་པོའི་ལས་སུ་གསུངས།། དེ་དག་གསུངས་པའི་རིམ་པ་ཡིས།། སྦྱོར་བ་དང་བྲལ་ལྡན་པའོ།། དམིགས་པ
223b2 གནས་ནས་དགུག་པ་ལ།། རྒོད་དམ་འབྲེལ་པ་གཞན་གྱུར་ན།། སྦྱོར་བ་བཞི་ཡིས་དགུག་པ་ཡིན།། དམིགས་པ་བདེན་ན་མྱུར་དུ་འགྲུབ།། གླང་ཆེན་དྲུག་དང་སྤྲུལ་པ་བཅུ།། ཡང་སྦྲུལ་ལ་སོགས་གྲངས་མེད་དེ།། ལོ
223b3 ཡི་དགྲ་དང་དུས་ཀྱི་དགྲ།། ཟ་མའི་དགྲ་དང་ཚེས་ཀྱིས་དགྲ།། གང་དང་ལྡན་པར་འབྲེལ་པའི་རྟགས།། ཤེས་པའི་རྟགས་ཀྱིས་ཚད་གཟུང་བྱ།། རིམ་པ་ངེས་པའི་ཚད་མ་དང་།། དྲག་པོ་སྔགས་ཀྱི་ཚད་མ་དང་།། རྣལ
223b4 འབྱོར་བརྟན་པའི་ཚད་མ་དང་།། ཟས་དང་ཁུགས་པའི་ཚད་མ་དང་།། སྦྱོར་བ་ངེས་པའི་ཚད་མའོ།། ལག་ན་རྡོ་རྗེས་རབ་ཏུ་ཟུང་།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། ཉམས་སུ་བླང་བའི་ཚད་མ
223b5 བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་གཤིན་རྗེའི་གཤེད་ཀྱིས།། སྒྲུབ་པའི་ཐབས་ཀྱི་རིམ་པ་འདི།། ལག་ན་རྡོ་རྗེ་ལ་བཤད་པ།། འཁོར་ལོ་སྦྱར་བའི་འབྲུ་སྡེབས་པ།། སྒྲུབ་པ་ལས
223b6 ཀྱི་བསྙེན་པ་འདི།། ཨ་ཏི་རུ་ནའི་སྲན་གནས་བཞིན།། ཤྲཱི་མཱ་ཛཱ་འབྲེལ་བསྡེབས་པས།། མགོ་གཅིག་ནག་པོ་དབུས་ནས་བཟུང་།། གོ་རིམ་བཞིན་དུ་ཕྱོགས་མཐུན་པར།། མུ་ཁྱུད་གཉིས་ལ་ཐུག་པ་སྟེ།། མུ་ཁྱུད་གསུམ
iiif viewer powered by OpenSeadragon
