| e-texts navigator |
| Wylie |
222b1 རྨོའི་ཐོག། རྡེབས་པས་རྒྱལ་པོའི་ལས་ཐབས་བསྒྲུབ།། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། རྩ་བའི་འཁྲུལ་འཁོར་ཆེན་པོ་བཀོད་པའི་ལེའུ་སྟེ་བཅུ་བཞི་པའོ།། །། དེ་ནས
222b2 གཞན་ཡང་བཤད་བྱ་བ།། གཤིན་རྗེའི་གཤེད་པོ་ཉིད་ཀྱིས་གསུངས།། རྣལ་འབྱོར་ལས་སུ་རུང་རྣམས་ཀྱི།། རྟགས་ཀྱི་རིམ་པ་བསྟན་པ་ནི།། དང་པོ་བསྙེན་པའི་གྲུབ་རྟགས་ནི།། བདག་ཉིད་ཕྱག་རྒྱ་འབར་བ
222b3 དང་།། ཆོས་སྐུའི་འོད་ཟེར་གསལ་བ་དང་།། རང་སེམས་མིག་གཡོའི་ཉམས་དང་ལྡན།། འོད་འབར་སྐུ་ནི་མཐོང་བ་དང་།། ཁམས་གསུམ་བདག་པོ་མ་ལུས་པ།། ཕྱག་འཚལ་བསྐོར་ཞིང་མཆོད་པའོ།། བདག་གིས
222b4 འཇིག་རྟེན་དབང་བསྡུས་དང་།། ཁམས་གསུམ་བྷྱོ་ཟློག་བྱེད་པ་དང་།། གཅན་གཟན་བདག་སྒོ་སྲུང་བ་དང་།། ཉི་ཟླ་ཚིག་ཏུ་འཆང་བ་དང་།། མི་བྱིང་ཆུ་ལ་འགྲོ་བ་དང་།། མཚོན་ཆ་ཟས་སུ་ཟ་བ་དང་།། མེ་ཡི་འཁོར
222b5 ལོ་བསྐྱོད་པ་དང་།། རྒྱ་མཚོ་ཆེན་པོ་བསྒྲིལ་བ་དང་།། རྒྱལ་བློན་ཕ་མ་སློབ་དཔོན་དང་།། ཁྱི་དང་གཅན་གཟན་མང་པོ་དང་།། བྱམས་པ་སེམས་ཅན་རིགས་མི་མཐུན།། དེ་དག་མངགས་པའི་ཕོ་ཉའི་འཁོར།། གཞན
222b6 ནི་ཇི་སྐད་བསྟན་པ་ཡིན།། རང་རང་ཆ་བྱད་འཛིན་པ་ཡིས།། ཇི་བཞིན་དེ་ཉིད་གཟུགས་སྟོན་པ། དངོས་དང་སྤྲུལ་པའི་ཕོ་ཉ་སྟེ།། བསྙེན་པ་ཉེ་བར་བསྙེན་པ་ཡི།། སྦྱོར་བ་ལས་ཀྱིས་བྱེད་པའི་རྟགས།། གཞན་ཡང་གོ།
iiif viewer powered by OpenSeadragon
