| e-texts navigator |
| Wylie |
221b1 གཉིས་པ་ཉེར་བཞག་སྟེ།། དེ་དང་གསུམ་པའི་དང་པོར་སྦྱར།། དེ་བཞིན་ཐུགས་གསུམ་རིམ་པ་ཡིས།། མཐའ་ནས་དབུས་སུ་ལྟོ་སྦྱར་དགོད།། དེ་ནི་དབང་སྡུད་འཁོར་ལོ་ཡིན།། ཕྱི་རིམ་འཁྲུལ་མིག་ཉི་ཤུ་ནི།། སྤུ་གྲི
221b2 འཁོར་ལོ་ཞེས་བྱ་སྟེ།། སོ་དང་ལྐུགས་དང་གཙུན་སོགས་བཞི།། མ་ལུས་བྱེད་པའི་རྡོ་རྗེ་ཡིན།། དེ་དག་རིམ་པར་དགོད་པ་ནི།། རྡོ་རྗེ་ཕྱོགས་ཀྱི་དང་པོ་ནས།། རིམ་པ་སྔར་བཞིན་རྗེས་མཐུན་བསྐོར།། ཕྱོགས་ཀྱི་དང
221b3 པོར་དྲུག་པ་ཡིས།། དྲུག་པའི་གསུམ་པ་དང་པོ་སྟེ།། དེ་ལ་བདུན་པའི་མཐའ་མར་སྦྱར།། དབྱངས་ཀྱི་གསུམ་པས་སྟེང་ནས་བརྒྱན།། དེ་ཉིད་ཐོག་མར་གཞག་པར་བྱ།། དེ་འོག་བདུན་པའི་གསུམ་པ་ལ།། གསུམ་པའི
221b4 དང་པོ་འོག་ནས་སྦྱར།། དེ་ལ་བདུན་པའི་དང་པོ་གདགས།། དབྱངས་ཀྱི་གསུམ་པས་སྟེང་ནས་བརྒྱན།། དེ་འོག་གསུམ་པའི་རེ་མིག་ལ།། ལྔ་པའི་དང་པོ་དེ་ཉིད་ལ།། དྲུག་པའི་གསུམ་པས་འོག་ནས་གདགས།། དེ
221b5 ཉིད་དེ་ལ་གཞག་པར་བྱ།། དེ་རྗེས་ལྔ་པའི་ཐ་མ་བཞག། དེ་འོག་ལྔ་པའི་ཐ་མ་ལ།། དབྱངས་ཡིག་དྲག་པས་མགོ་ནས་གདགས།། དྲུག་པའི་གསུམ་པ་ཉེ་བར་སྦྱར།། དེ་དགོད་དེ་རྗེས་དྲུག་པ་ལ།། གཉིས་པའི་དང་པོ
221b6 དགོད་པར་བྱ།། དེ་འོག་དྲུག་པའི་གསུམ་པ་དང་།། སྒྲ་ཡི་དང་པོའི་གསུམ་པ་སྦྱར།། དེ་དགོད་དེ་འོག་བརྒྱད་པ་ལ།། སྒྲ་ཡི་གསུམ་པའི་དང་པོ་དགོད།། དེ་འོག་དགུ་པའི་རེ་མིག་ལ།། སྒྲ་ཡི་གཉིས་པའི་དང་པོ
iiif viewer powered by OpenSeadragon
