| e-texts navigator |
| Wylie |
220b1 སྦྱར་ཞིང་དྲིལ་ངར་བླུད།། བཀའ་ཡི་སྟོབས་ལྡན་རིག་པ་དེས།། ལས་རྣམས་མ་ལུས་འགྲུབ་པར་བྱེད།། དྲག་པོ་གནས་པའི་འཁྲུལ་འཁོར་དེར།། འཁྲུལ་གྱི་ཡི་གེ་དྲག་པོའི་འབྲུ།། མཐུན་པའི་གནས་སུ་དགོད་པ
220b2 ཡང་།། རྩ་བ་གནད་ཀྱི་འཁྲུལ་མིག་ལ།། དབུས་སུ་དྲུག་པའི་དང་པོ་སྟེ།། རྡོ་རྗེ་ལྔ་པའི་ཐ་མ་ཡིན།། རིན་ཆེན་ཕྱོགས་སུ་དེ་ཉིད་ལ།། བཅུ་གཉིས་པ་ཡིས་སྟེང་ནས་བརྒྱན།། པདྨར་བཞི་པའི་དང་པོ་གཞག། རལ་གྲིར
220b3 སྒྲ་ཡི་དང་པོ་ལ།། ཨུ་ཤ་གཉིས་པ་འོག་ནས་སྦྱར།། དྲུག་པའི་གསུམ་པས་མགོ་ནས་གདགས།། དབྱངས་ཀྱི་བཅུ་པའི་ཡི་གེ་ནི།། ཉེ་བར་སྦྱར་བས་སྟེངས་ནས་བརྒྱན།། དེ་ནི་གནད་ཀྱི་འཁོར་ལོ་ཡིན།། གཉིས་པ
220b4 འཁྲུལ་ཀྱི་འཁྲུལ་མིག་ནི།། བཅུ་གཉིས་ཉེ་བར་གཞག་པ་སྟེ།། ལྔ་པའི་ཐ་མ་ཉེ་བར་གནས།། རྡོ་རྗེའི་རེ་མིག་དེ་ཉིད་ལ།། དྲུག་པའི་གསུམ་པ་གཞག་པར་བྱ།། དེ་ལ་དབྱངས་ཀྱི་གཉིས་པ་རུ།། བཞི་པའི་ཐ་མ་ཉེར
220b5 བཞག་སྟེ། དབྱངས་ཀྱི་གསུམ་པས་སྟེང་ནས་བརྒྱན།། གསུམ་པར་གཉིས་པའི་དང་པོ་བཞག། དེ་བཞིན་བཞི་པར་དྲུག་པ་ཡི།། དང་པོ་བཞག་སྟེ་ལྔ་པར་ནི།། དྲུག་པའི་གནས་སུ་བཞི་པ་ཡི།། ཐ་མ་རྗེས་སུ་གཞག
220b6 པར་བྱ།། སྟེང་ནས་དབྱངས་ཀྱི་གསུམ་པས་བརྒྱན།། དེ་འོག་བདུན་པའི་གནས་ཉིད་དུ།། དྲུག་པའི་དང་པོ་ཉིད་བཞག་སྟེ།། བཅུ་གསུམ་པ་ཡིས་སྟེང་ནས་བརྒྱན།། དེ་རྗེས་རྒྱས་པའི་གནས་སུ་ནི།། བཞི་པའི་ཐ་མ
iiif viewer powered by OpenSeadragon
