| e-texts navigator |
| Wylie |
216b1 པ་ལ་སོགས་སྔགས་ཉིད་ལ།། སྤུ་གྲི་འཁོར་ལོ་ལ་སོགས་པའི།། མཐའ་རྟེན་ཉེ་བར་གྱུར་ནས་ནི།། གང་ཡིན་བྱ་བའི་ལས་རྣམས་བསྒྲུབ།། སྟག་མོ་ཁ་འཐབ་ལ་སོགས་དང་།། སེང་གེ་མཆེ་སྦྱོར་ལ་སོགས
216b2 པས།། གསད་པ་མཆོག་གི་སྦྱོར་བ་ཡིན།། ལས་རིམ་ངེས་པའི་ཚད་མར་བཤད།། ཅེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ལས། བསྙེན་སྒྲུབ་ཀྱི་རིམ་པར་ཕྱེ་བའི་ལེའུ་སྟེ་བཅུ་གཅིག
216b3 པའོ།། །། དེ་ནས་ཡང་གཤིན་རྗེའི་གཤེད་ཀྱིས་དྲག་པོའི་ལས་འདི་གསུངས་སོ།། དེ་ནས་ནན་ཏན་བསྐྱེད་བྱས་ཏེ།། འཇིག་རྟེན་གཤེད་པོས་འདུལ་བ་ཡིས།། དྲག་པོའི་ཚམ་རྔམས་བཤད་པར་བྱ།། འཇིག
216b4 རྟེན་བཅུད་ཀྱི་གདུག་པ་ཀུན།། ཚམ་རྔམས་གློག་ལྟར་འགྱུར་བ་ལས།། ངོ་མཚར་ཡ་མཚན་བསྒྲག་པར་བྱ།། ཨེ་མ་ཧོ།། ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས།། ཕྱོགས་བཅུ་འཕྲོ་བས་བྱང་ཆུབ
216b5 སེམས།། རིགས་ཀྱི་ཡབ་དང་དེ་བཞིན་བཙུན་མོ་ནི།། རྟག་པར་བསྒོམ་སྟེ་དེ་བཞིན་གཤེགས་པར་བྱ།། རྫས་དང་ཕྱག་རྒྱ་སྔགས་དང་བཅས་རྣམས་ནི།། གཟུགས་དང་འདོད་པའི་འབྲས་བུ་གང་ཐོབ་གྲུབ་པའོ།། མི
216b6 དགེ་བཅུ་དང་ལྡན་པའི་རྣམ་པར་འདྲེན་པ་དེ་བྱ་སྟེ།། སྔགས་དང་ཕྱག་རྒྱ་རྫས་རྣམས་དང་།། གའུ་པདྨ་དམ་པ་དང་།། ཁམ་ས་རྫ་ཡི་འཇིམ་པ་ནི།། ཁྲག་སྣ་གསུམ་དང་གི་ཝང་ངོ་།། དེ་དག་ཕྲིན་ལས་མཆོག་ཡིན
iiif viewer powered by OpenSeadragon
