| e-texts navigator |
| Wylie |
214b1 ལོའོ།། ཞེས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ཆེན་པོ་ལས། གཤིན་རྗེ་གཅོད་པ་སྔགས་ཀྱི་འཁོར་ལོ་དང་། ལུས་སྲོག་འབྱེད་པའི་འཁོར་ལོ་བསྟན་པའི་ལེའུ་སྟེ་བརྒྱད
214b2 པའོ།། །། དེ་ནས་ཡང་གསང་སྔགས་ཀྱི་འཁོར་ལོ་དོན་ཡོད་པར་བྱ་བའི་ཕྱིར། བྱིན་གྱིས་བརླབས་པའི་ཐབས་འདི་གསུངས་སོ།། ཉོན་ཅིག་ཟུང་ཞིག་རྡོ་རྗེ་འཛིན།། ཕོ་དང་མོ་ཡིས་ཕྱེ་བ་དང་།། གཅོད་བྱེད
214b3 མཚོན་གྱི་འཁོར་ལོ་ལ།། དེ་ལ་སྟོབས་ཀྱི་འཁོར་ལོ་འཇུག། མེ་དཔལ་སྔགས་ཀྱི་འོད་ཟེར་གྱིས།། འཇོམས་བྱེད་ཡ་མའི་ཞིང་ཁམས་ན།། འཇོམས་བྱེད་དྲག་པོའི་ཞེ་སྡང་མཆོག། འབར་བ་དུག་གི་དུམ་བུར
214b4 བསྡུས།། མེ་འབར་ནག་པོའི་འབྲུ་ལ་བསྟིམས།། དབུས་ནས་མཚམས་ཀྱི་འབྲུབ་གནས་སུ།། འདོད་པའི་དྲི་མ་བསྡུ་བྱས་ཏེ།། རྗེས་སུ་མཐུན་པའི་རྣམ་པར་འཇུག། བསྒྲལ་བའི་གནས་རྣམས་ཀུན་བསྡུས་ཏེ།། མ་ལུས
214b5 ཀུན་གྱི་སྡིག་པའི་སྒོ།། ཉེ་བར་གྱུར་པའི་ཡན་ལག་ཡིན།། སྣ་ཚོགས་དུག་གི་ཁུ་བ་ཡིས།། འཁོར་ལོ་རྣམས་ལ་ངར་བླུད་བྱ།། མྱོས་པའི་རྫས་ལ་སོགས་པ་དགྲམ།། འདིར་ནི་དེ་ལྟར་འདུས་པ་ཡིས།། གནག་པའི་ཀུན
214b6 གྱི་སྙིང་པོ་མཆོག། བསྒྲུབ་དང་བསྙེན་པའི་སྐབས་རྣམས་སུ།། རང་སྔགས་འདྲེན་པའི་སྙིང་པོ་དང་།། དྲག་པོ་ལས་ཀྱི་སྔགས་རྣམས་དགོད།། རྩ་གོ་སྦུབས་དང་བཅས་པ་རུ།། མེ་དང་ཆུ་ཡི་སྙིང་པོ་བཞག། འདི
iiif viewer powered by OpenSeadragon
