| e-texts navigator |
| Wylie |
213a1 པོར་སྒྲུབ་པ་སྟེ་ཐམས་ཅད་འདུལ་བ་ནས་ཆོ་འཕྲུལ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས། ཡེ་ཤེས་བཞིའི་འཁོར་ལོ་མཉམ་པའི་ཏིང
213a2 འཛིན་ལ་སྙོམས་པར་ཞུགས་ནས།། འདི་སྐད་ཅེས་གསུངས་སོ།། གནས་ཀྱི་དཀྱིལ་འཁོར་བཅའ་གཞི་སྟེ།། དཀྱིལ་འཁོར་གྲུ་བཞི་བཞི་ལྡན་བྱ།། བམ་ཆེན་ཤ་ཤ་ཤི་རོ་དུ་ཧ།། ཟག་པས་སྲད་བུ་ལེགས་བྱས
213a3 ཏེ།། སྙོམས་པའི་ཚད་ལྡན་ཐིག་གདབ་བྱ།། ལས་དང་ཡེ་ཤེས་རིམ་པ་གཉིས།། བྱིན་བརླབས་སྟོབས་དང་ལྡན་པར་བྱ།། ནི་རང་སུ་ཡི་ཐལ་བ་དང་།། མཱང་ས་མུ་ཏྲེད་སྦྱར་བ་ཡིས།། ཚོན་གསུམ་ཁ་དོག་ཕྱེད་པར
213a4 འགྱུར།། རུས་པ་དུ་བས་བདུག་པ་ནི།། ནག་པོ་ཚོན་དུ་དགྱེ་བར་བྱ།། རཀྟ་ཏྲི་མར་སྦྱངས་པས་ནི།། ཚོན་སྣ་འདུས་པའི་མཆོག་ཅེས་བྱ།། ཡེ་ཤེས་བྱིན་བརླབ་ལྡན་བྱ་སྟེ།། གནས་ཀྱི་འཁོར་ལོ་བཅའ་བར་བྱ།། ཆ
213a5 མཉམ་ཐིག་བཞི་རྒྱ་གྲམ་གདབ།། ལེའུ་ཚེ་དགུ་ལྡན་མུ་ཁྱུད་བསྐོར།། མུ་ཁྱུད་འགྲམ་བཞི་ལྡན་པ་ལ།། འཁོར་ལོ་རྩིབས་ནི་བཅུ་གཉིས་ལྡན།། ཕྱི་རིམ་པར་ཁྱམས་མུ་ཁྱུད་ལྡན།། བར་ཁྱམས་དུར་ཁྲོད་བཞི་དང
213a6 ལྡན།། ཕྱི་རིམ་ཡི་དྭགས་གཟུགས་ཅན་དགོད།། གཞན་གྱི་འོང་བ་དེ་ཡང་བསྟན།། དེ་ལ་གནས་པའི་རིམ་པ་ནི།། གཤེད་མཛད་གཙོ་བོ་ཡབ་ཡུམ་དང་།། སྲོག་གི་ཀཱི་དྷཱ་ཡབ་ཡུམ་རིམ།། མུ་ཁྱུད་དང་པོར་དགོད་པར
iiif viewer powered by OpenSeadragon
