| e-texts navigator |
| Wylie |
212a1 ཡང་ཕྱོགས་སྐྱོང་གཤིན་རྗེ་རྣམས་ཀྱིས།། ཕྲིན་ལས་དྲག་པོའི་སྒྲུབ་ཐབས་འདི།། འཇིགས་བྱེད་གཤིན་རྗེའི་གཤེད་ལ་ཕུལ།། རབ་ཏུ་གནག་ཅིང་གནམ་ལྕགས་འདྲ།། མོན་ནག་སོག་པོ་ཁྲོས
212a2 པའམ།། སྲིན་པོའི་མདུང་སོ་གཤིབས་པ་འདྲར།། ཁྲོ་བོ་ཆེན་པོའི་ཚུལ་ཆེན་གྱིས།། གདུག་པའི་སེམས་དང་ལྡན་བྱས་ཏེ།། དྲག་པོའི་དཀྱིལ་འཁོར་བཤད་པར་མཛོད།། ཅེས་བརྗོད་གཤིན་རྗེའི་གཤེད་ལ
212a3 ཕུལ།། གཤིན་རྗེའི་གཤེད་པོས་བཀའ་སྩལ་པ།། ཉོན་ཅིག་ལག་ན་རྡོ་རྗེ་ཁྱོད།། ཕྱོགས་སྐྱོང་གཤིན་རྗེ་མ་ལུས་ཀུན།། ཁྲོ་བོའི་ཚོགས་སུ་འདུ་མཛད་དེ།། རང་བཞིན་མཐུ་ཆེན་འདི་བརྗོད་དོ།། འབྱུང་མེད་ཡེ་ཤེས
212a4 དཀྱིལ་འཁོར་ནི།། དཀྱིལ་འཁོར་སྔ་མ་བཞིན་བྱས་ལ།། བདག་ཉིད་ཁྲོ་བོ་ཆེན་པོ་སྟེ།། ཡུམ་ཡང་དེ་བཞིན་དེ་ཡི་འོད།། ཡབ་ཡུམ་གཉིས་མེད་བྱིན་རླབས་ལས།། ཐབས་དང་ཤེས་རབ་འཕྲོ་འདུ་འབྱུང་།། ཐབས་དང
212a5 ཤེས་རབ་འཕྲོ་འདུ་ལས།། ཐིག་སྐུད་རྒྱུས་པ་ལྕགས་ལས་བྱས།། འདི་ནི་ལས་ཀྱི་ཐིག་ཅེས་བྱ།། ཐིག་བཞི་བཏབ་པས་ལིང་ཚེ་དགུ།། འཁོར་ལོ་རྩིབས་བཞི་མུ་ཁྱུད་བཅས།། ཀུན་ཏུ་སྒོ་བཞི་མུ་ཁྱུད་ལྡན།། གྲུ་ཆད
212a6 ལྡན་པའི་དུར་ཁྲོད་བརྒྱད།། མཛེས་པར་བྲིས་ཏེ་གཞན་དུ་མེད།། བརྟེན་པའི་ལྷ་དེ་སྔ་མ་བཞིན།། བསྐྱེད་པའི་སྔགས་འདི་བརྗོད་བྱས་པས།། བདག་དང་འདྲ་བར་བསྐྱེད་པར་བྱ།། ཨོཾ་ཨ་ཀྲོ་ཏེ་ཀ་ཧཱུཾ་ཨ། བཛྲ་པེ་ཏ་ལི
iiif viewer powered by OpenSeadragon
