| e-texts navigator |
| Wylie |
211b1 འགྱུར་བ་ན།། ཕལ་པ་གཞན་ལྟ་སྨོས་ཅི་དགོས།། བསྡུས་དང་འདྲེན་པ་བྱང་ཆུབ་ལམ།། འདི་དག་གོ་འཕང་ཐོབ་བྱའི་ཕྱིར།། ཉུང་དཀར་རྐང་རྗེས་སའམ་གཞན།། ཁྲག་གསུམ་ཐལ་ཆེན་བསྲེས་བྱས་ལ།། གའུའི་ནང
211b2 དུ་བསྲེས་བྱས་ནས།། གའུ་གཉིས་ནི་ཁ་སྦྱར་ལ།། སྐུད་པ་དམར་པོ་ཟངས་ལས་གྲུབ།། བཅིངས་ནས་བསྡམས་ཏེ་དམ་དཀྲིས་ནས།། དཀྱིལ་འཁོར་གྱི་ནི་ཐོག་ཏུ་བཞག། ཉུང་དཀར་ཟངས་གཉིས་བསྲེས་བྱས
211b3 ཏེ།། དུད་པས་གའུ་དེ་ལ་བདུག། དེ་ལ་བདུག་པར་གྱུར་པ་དང་།། བཟླས་པའི་སྙིང་པོ་བརྗོད་བྱ་ཞིང་།། ལན་གྲངས་ཁྲི་ཡི་ཚད་དུ་བྱ།། བརྗོད་ནས་སངས་རྒྱས་ལ་སོགས་རྣམས།། འགུགས་པར་འགྱུར་ན་ཕལ་བ
211b4 གཞན།། སྨོས་ཅི་དགོས་ཏེ་ངེས་པར་འགུགས།། ཨོཾ་བཛྲ་ཨ་ཀྲོ་མཉྫུ་ཤྲཱི་པ་ཤང་མ་ཧོ་སརྦ་ཏི་ལ་བྷྲཱུཾ།། ལན་གྲངས་མང་དུ་བརྗོད་བྱས་ན།། ཇི་ལྟར་བསམ་པ་ཐམས་ཅད་འགྲུབ།། རྒྱ་ཤུག་བཀྲུས་པའི་ཁུ་བ་དང་།། མི་ཡི
211b5 ལག་པའི་ཁུ་བ་གཉིས།། སྔ་མ་བཞིན་དུ་འགུགས་བྱས་ན།། འགུགས་པར་འགྱུར་ཞེས་དཔའ་བོ་བཤད།། ཡང་ན་རང་གི་ལག་བརྒྱུད་དུའོ།། ཞེས་གསུངས་པས་ཐམས་ཅད་མ་ལུས་པར་དབང་དུ་འདུས།། བདག
211b6 གིས་དབང་དུ་གང་ལ་བྱ་དེར་འགྱུར་རོ།། ཞེས་གཤིན་རྗེའི་གཤེད་པོས་གསུངས་སོ།། དཔལ་གཤིན་རྗེ་ཟླ་གསང་ནག་པོ་རྩ་བའི་རྒྱུད་ཆེན་པོ་ལས། ཐམས་ཅད་དབང་དུ་བྱ་བའི་ལེའུ་སྟེ་ལྔ་པའོ།། །། དེ་ནས
iiif viewer powered by OpenSeadragon
