| e-texts navigator |
| Wylie |
211a1 ཐམས་ཅད་རྒྱས་པར་བྱ་བའི་ལེའུ་སྟེ་བཞི་པའོ།། །། དེ་ནས་ཡང་ཕྱོགས་སྐྱོང་གཤིན་རྗེ་རྣམས་ཀྱིས།། ཕྲིན་ལས་དབང་གི་སྒྲུབ་ཐབས་འདི།། འཇིགས་བྱེད་གཤིན་རྗེའི་གཤེད་ལ་ཕུལ།། རབ
211a2 ཏུ་དམར་ཞིང་ཟངས་ལས་གྲུབ།། ཟངས་ལས་འབྲེལ་བའི་ཡུལ་དག་ལ།། རང་དབང་མེད་པར་དབང་བསྡུས་ནས།། འདུས་པའི་སེམས་དང་ལྡན་བྱས་ཏེ།། དབང་གི་དཀྱིལ་འཁོར་བཤད་པར་མཛོད།། ཅེས་པ་གཤིན
211a3 རྗེའི་གཤེད་ལ་ཕུལ།། གཤིན་རྗེའི་གཤེད་པོས་བཀའ་སྩལ་པ།། ལག་ན་རྡོ་རྗེ་རབ་ཏུ་ཉོན།། ཐམས་ཅད་དབང་དུ་བསྡུ་ཕྱིར་དུ།། ཟངས་སམ་དམར་པོའི་ས་དག་ལ།། དཀྱིལ་འཁོར་སྔ་མ་དག་དང་འདྲ།། ལེགས་པར
211a4 ཁོད་སྙོམས་ཟིན་པ་དང་།། ཐིག་ནི་རབ་ཏུ་གདབ་པར་བྱ།། ལྟེ་བ་ཅན་ལ་རྩིབས་བརྒྱད་པ།། ཀུན་ཏུ་ཟླ་གམ་དབང་གིས་མཛེས།། ལྟེ་དབུས་གཞུ་བདུངས་བྲིས་བྱས་ལ།། དེ་སྟེངས་བདག་པོ་དམ་པ་བཞག། ཐམས
211a5 ཅད་མ་ལུས་མཆོག་ཏུ་གྲུབ།། ཅི་ལ་བྱ་ཡང་ཐོགས་ཆགས་མེད།། ཞེས་ནི་ཡང་དག་བླ་མེད་འདིས།། བཤད་པར་བྱ་སྟེ་རབ་ཏུ་བཤད།། གཞན་ཡང་རབ་ཏུ་བཤད་བྱ་བ།། སེམས་ཀྱིས་དཀྱིལ་འཁོར་དམ་པ་སྟེ།། བླ
211a6 མེད་ཡང་ངག་ངེས་པའི་ལམ།། སངས་རྒྱས་བྱང་ཆུབ་ལ་སོགས་རྣམས།། གཞུང་ལས་འབྱུང་བའི་ཚིག་དོན་རྣམས།། མ་ནོར་གསུངས་པ་ཇི་བཞིན་དུ།། བསྒྲུབས་ན་འགྲུབ་པར་བཤད་པའོ།། དེ་དག་འགུགས་པར
iiif viewer powered by OpenSeadragon
