| e-texts navigator |
| Wylie |
209b1 ཆེན་པོ་སྟེ།། ལྷོ་རུ་ཡ་བ་ཏི་ཞེས་བྱ།། ནུབ་ཏུ་ཁྲོ་བོ་དམིགས་པ་ལ།། བྱང་དུ་བདུད་འཇོམས་དགོད་པར་བྱ།། ཤར་ལྷོ་ལྷོ་དང་ནུབ་བྱང་དང་།། བྱང་ཤར་མཚམས་སུ་དགོད་པ་ནི།། གླང་མགོ་ཀོང་ཙེ་སྦྱོང་སྤྱོད
209b2 ལས་གྲུབ་བརྒྱད་དེ་གོ་རིམ་བཞིན།། སྟེང་འོག་དམར་པོ་ནག་འཇོམས་གཉིས།། ཡབ་ཡུམ་གཉིས་མེད་འཁྲིལ་ཏེ་དགོད།། ཟླ་གམ་གསུམ་ལ་མ་མོ་གསུམ།། སྒོ་བཞིར་སྒོ་ཡི་བསྲུང་མ་བྲི།། དེ་ཡི་ཡུམ་དང་བཅས
209b3 པ་རྣམས།། ཁྲོ་བོ་ཡབ་དང་སྐུ་མཐུན་པའོ།། སེམས་དཔའི་འདུག་སྟངས་གནས་བྱས་ལ།། སྔགས་གཡོག་མཛེས་པར་ཚོགས་བྱས་ཏེ།། དགུག་པའི་ཕྲིན་ལས་བརྩམས་པར་བྱ། དེ་ཚེ་ཐལ་བ་རུས་པ་ལ། འཇིམས་པ
209b4 ལ་ནི་གཟུགས་ལྟ་བུར། བྱས་པ་སྙིང་གར་བྲི་བ་ནི།། ཨ་མ་བ་སི་ཏིའམ།། གང་འདོད་པ་ཡི་ཡི་གེ་དེ།། ཕཊ་དང་སྭཱ་ཧཱ་ས་མཐའ་ལྟར།། མིང་བྱང་གོང་ལྟར་བྱས་པ་ལ།། གོང་ལྟར་འཚམས་པ་བཞིན་དུ་བཞག། དེ་ལ
209b5 ཡིད་ཡང་རབ་ཏུ་བརྗོད།། ཨོཾ་ཨ་ཀྲོ་བ་ཤ་ཤཱནྟི་ནཱ་ག་བཛྲ་སྭཱ་ཧཱ། ཨོཾ་ཨ་ཀྲོ་ཏེ་ཀ་ཤཱནྟིང་བ་ལ་བྷྲཱུཾ། ཞེས་བརྗོད་ནས་སྙིང་གར་བརྒྱབ་ན་ཐབས་ཀྱིས་མགུ་ནས། དང་བའི་སེམས་ཀྱི་ཞི་བར་འགྱུར་རོ།། དེ་ནས་ཞི་བའི
209b6 ལས་བྱས་ནས།། ཕྱོགས་བཅུའི་གདུག་པ་ཞི་བར་བྱས་ཏེ། བདག་ལ་མི་དགའ་བ་མེད་ན་ལས་ཡིན་ནོ།། དཔལ་ཟླ་གསང་ནག་པོ་རྩ་བའི་རྒྱུད་ཆེན་པོ་ལས། ཐམས་ཅད་ཞི་བར་བསྒྲུབ་པའི་ལེའུ་སྟེ་གསུམ
iiif viewer powered by OpenSeadragon
