| e-texts navigator |
| Wylie |
208b1 བརྒྱ་ཐ་མ་བྱུང་བ་ན།། སངས་རྒྱས་བསྟན་ལ་མི་གནས་ཤིང་།། ཆོས་ཉིད་བདེན་པས་མི་འདུལ་ཏེ།། བསྟན་པ་ཐམས་ཅད་ནུབ་པ་དང་།། ལས་ངན་མཚམས་མེད་བྱེད་པ་དང་།། ཟས་ངན་ལྕི་བ་ཟ་བ་དང་།། གོས་ངན
208b2 དུག་ཧྲུལ་གོན་པ་དང་།། མ་གཤིན་བསྟན་པ་འབྱུང་བ་དང་།། མུ་སྟེགས་བསྟན་པ་དར་བའི་ཚེ།། ཁྱོད་ཀྱི་ལས་སྐལ་ཟས་སྐལ་ཀྱང་།། དུས་དེར་འབྱུང་བར་ངས་བཤད་ཀྱིས།། ང་ཡི་དམ་ལས་མ་འདའ་ཞིག། ཅེས
208b3 གསུངས་སོ།། དཔལ་ཟླ་གསང་ནག་པོ་རྩ་བའི་རྒྱུད་ལས་གླེང་བསླང་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་གཤིན་རྗེའི་གཤེད་པོས་འཁོར་རྣམས་ལ་བཀའ་བསྒོ་སྟེ། དགོངས་པ་ཞི་བ་ལ
208b4 བཞུགས་སོ།། དེ་ནས་ཕྱོགས་སྐྱོང་གཤིན་རྗེ་རྣམས་ཀྱིས་ཐམས་ཅད་ཞི་བར་བྱ་བའི་ཆེད་དུ་བཅོམ་ལྡན་འདས་ཀྱིས་ཕྲིན་ལས་ཞི་བར་བྱ་བའི་སྒྲུབ་ཐབས་འདི་གསུངས་སོ།། ཆར་དངོས་མི་ལ་གསང་བ་ཀུན་ཞི
208b5 ནས།། རིག་པ་གསུམ་ལྡན་གབ་པ་དགུ་ཡི་གནས།། སྦྱོར་བ་གསུམ་གྱི་ཡང་དག་བསྡུས་ནས་འཕེན།། བླ་མེད་མཆོག་ལ་དོན་གཉིས་བསྡུས་ནས་འཕེན།། ནམ་མཁའི་རིན་ཆེན་འབར་བྱེད་ཅིང་།། འདི་ལ་འཇིག་རྟེན
208b6 དངོས་གྲུབ་མཆོག། མ་ལུས་བསྡུས་པའི་སྙིང་པོའི་དོན།། སྟོང་ཕྲག་བདུན་དང་བརྒྱ་ཕྲག་ལྔ།། དེ་དོན་སྙིང་པོ་མཆོག་གྱུར་པ།། ལོ་གྲངས་བདུན་ཅུ་རྩ་བཞིའི་དོན།། ལས་ཀྱི་རིམ་པ་བརྒྱ་ཕྲག་བརྒྱད། སྦྱོར་བ་ཉིས
iiif viewer powered by OpenSeadragon
