| e-texts navigator |
| Wylie |
208a1 མོ་གཡས་པའི་ལྷ་ང་ས་ལ་བཙུགས་ཏེ། འདི་སྐད་ཅེས་གསོལ་ཏོ།། ལེགས་སོ་ལེགས་སོ་སྟོན་པའི་གཙོ།། དེ་ལྟར་དུས་གསུམ་ཐམས་ཅད་དུ།། སེམས་ཅན་རྣམས་ལ་འཚེ་བ་དང་།། འཇིག་རྟེན་ཁམས
208a2 སུ་སྦྱོར་ངན་མ་གཏོང་བར།། སྟོན་པའི་འཁོར་དུ་འདུས་ནས་ཀྱང་།། རང་རང་ཚུལ་བཞིན་བསྒྲུབ་པ་དང་། ལས་ཐབས་བྱ་བ་གང་ཡིན་པ།། ད་ལྟ་ཉིད་དུ་འབུལ་བར་གྱིས།། ཞེས་གསུངས་ཏེ་རང་གི་གནས་སུ་འཁོད
208a3 པར་གྱུར་ཏོ།། དེ་ནས་དྲེགས་པ་ཅན་གྱི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཨེ་མ་ཧོ་འཇིགས་བྱེད་ཆེན་པོ་ལགས།། བདག་ཅག་རང་རང་བསྒྲུབ་པ་དང་།། ལས་དང་བྱ་བ་ཐམས་ཅད་ཀྱང་། བྱམས་མགོན
208a4 ཆེན་པོ་ཉིད་ལ་འབུལ།། དཔའ་བོ་ཆེན་པོས་བཞེས་སུ་གསོལ།། ཞེས་ཆེད་དུ་གླེངས་པ་དང་། བཅོམ་ལྡན་འདས་འཇིགས་བྱེད་ཆེན་པོ་དགྱེས་པ་ཆེན་པོར་གྱུར་ཏེ། ཞལ་འཛུམ་པ་དང་བཅས་ནས་འདི་སྐད་ཅེས
208a5 བཀའ་སྩལ་ཏོ།། བཀའ་ཡི་ཕྱོགས་སྐྱོང་གཤིན་རྗེ་དང་། གདུག་བྱེད་ལྷ་སྲིན་ཕོ་མོ་རྣམས།། ཉོན་ཅིག་ཁྱོད་རྣམས་གུས་པར་ཉོན།། ངས་གསུངས་པ་ལ་སེམས་ཟུད་ཅིག། དེ་ལྟར་དུས་གསུམ་ཐམས་ཅད་དུ།། སེམས
208a6 ཅན་རྣམས་ལ་གནོད་པ་དང་།། སྦྱོར་བ་ངན་པ་མ་གཏོང་བར།། ང་ཡི་དམ་ལས་མ་འདའ་ཞིག། འོན་ཀྱང་སེམས་ཅན་ཐམས་ཅད་དང་།། བདེ་བ་ཉིད་དེ་ཞི་བར་འགྱུར།། ཁྱེད་ཀྱི་ལས་སྐལ་ཟས་སྐལ་དང་།། ལྔ
iiif viewer powered by OpenSeadragon
