| e-texts navigator |
| Wylie |
207b1 དང་རོ་ཆུང་དང་།། མི་རོ་དང་ནི་རྟ་རོ་དང་།། རོ་ཕྱེད་པ་དང་གཞོག་ཕྱེད་དང་།། རོ་ཡི་འཕྲེང་བ་རོ་བརྩེགས་དང་། བམ་དང་རུལ་དང་བྲུལ་བ་དང་།། བྷན་དྷ་དང་ནི་སྒལ་ཚིགས་དང་།། དབང་པོ་རྐང་དང་རྒྱུ་མ
207b2 དང་།། ཤ་ཁྲག་ལ་སོགས་ཚིལ་བུ་དང་།། གོ་རོ་ཙ་ན་ལ་སོགས་ཏེ།། གཞན་ཡང་རོ་ཡི་རྣམ་པ་ནི།། བྱེ་བ་ལ་སོགས་ཆར་དུ་ཕབ།། ལྷན་ཅིག་འདུག་ནས་འདི་སྐད་བརྗོད།། ཧ་ཧ་དཔའ་བོ་འཇིགས་བྱེད
207b3 གདོང་།། བདག་ཅག་རྣམས་ཀྱི་སྲོག་ཏིག་སྟེ།། དཔའ་བོ་ཆེན་པོས་བཞེས་སུ་གསོལ།། བདག་ཅག་རྣམས་ཀྱི་ལས་སྐལ་དང་།། འཚལ་སྐལ་འདུལ་སྐལ་གང་ལགས་པ།། དཔའ་བོ་ཆེན་པོས་བཤད་དུ་གསོལ།། ཞེས
207b4 གསོལ་ཏོ།། དེ་ནས་བཅོམ་ལྡན་འདས་གཤིན་རྗེ་གཤེད་པོས་འདི་སྐད་ཅེས་གསོལ། ཧཱུཾ་ང་ནི་དུས་གསུམ་རྣམ་པ་རུ། ཐམས་ཅད་མ་ལུས་འདུལ་བའི་བདག། ང་ཡི་བཀའ་རྣམས་ཁྱོད་ཀྱིས་ཉོན།། སེམས་ཅན་ཡོངས
207b5 ལ་འཚེ་མ་བྱེད། ཁྱེད་ཅག་རྣམས་ཀྱི་རང་ལས་ནི།། སངས་རྒྱས་བསྟན་པ་བཤིག་པ་དང་།། ཆོས་འཁོར་བཤིག་པའི་རཱ་ཏྲ་རྣམས།། ཁྱོད་ཀྱི་འདུལ་བའི་ཟས་སྐལ་གྱིས།། ཞེས་བཀའ་སྩལ་ཏོ།། འཁོར་རྣམས་ཀྱིས
207b6 བཀའ་བཞིན་ཉན་པར་ཁས་བླངས་ཏེ།། རང་དམ་རང་གིས་བཅས་སོ།། དེའི་ཚེ་དེའི་དུས་ན་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་གདན་ལས་བཞེངས་ཏེ། དམ་ཚིག་རྡོ་རྗེ་རྩེ་དགུ་ཐུགས་ཀར་བཟུང་སྟེ། པུས
iiif viewer powered by OpenSeadragon
