| e-texts navigator |
| Wylie |
203b1 སེར་འཛག་པ་དང་། མི་གཚང་བ་འཛག་པ་དང་། དེ་ལྟ་བུའི་གནས་དེ་ན། སྟག་དང་གཟིག་དང་། དོམ་དང་དྲེད་དང་། བྱ་རོག་དང་། ཀང་ཀ་མཆུ་རིངས་དང་། བྱན་ལག་གཤོག་རྡེབས་སྦྲང་ཀི་རྫི་རྣོན་དང་། ཅེ་སྤྱང
203b2 རོ་རྔམས་ཁྲ་དང་འུག་པ་དང་། ལིན་དུ་ཁ་དང་། སྲིན་བུ་ཀ་ཀ་རུ་དང་། དེ་དག་ལ་སོགས་པ་ཤ་ཟ་ཁྲག་འཐུང་བ་དང་། རུས་པ་འཆའ་བ་དང་། ལྡག་ཉོག་བྱེད་པ་དང་། བལྟ་དང་རྒོད་དང་ངུ་དང་སྨྲེ་སྔགས་འདོན་པ
203b3 དང་། ཁུ་ཆོ་འཆང་དང་འདོད་དང་རྒོལ་བ་དང་། དྲག་པོ་རྐན་རྡེབ་ལྟས་ངན་སྐད་སྒྲོག་པ་དང་། གཟུགས་མི་སྡུག་དང་འཛུམ་པའི་མདངས་འདོན་དང་། འཁོར་ལོའི་བྲོ་བརྡུང་ལྕགས་ཀྱི་མདའ་འཕེན་པ་དང་། སྐྱུགས
203b4 པའི་གླུ་ལེན་མི་རྐང་དུང་འབུད་དང་། ངར་གྱི་གཡབ་འདོར་རང་རང་ལ་ཁྲོ་དང་། ཤ་ཟ་ཁྲག་འཐུང་དྲག་པོ་རྐན་རྡེབས་དང་། བརྡའ་དང་གར་བསྒྱུར་རྡོ་རྗེ་ཐོག་འཕེན་དང་། གཏི་མུག་མང་པོའི་དུར་ཁྲོད་རི་ལྟར
203b5 སྤངས་པ་དང་། འདོད་ཆགས་རཀྟའི་ཟ་ཀློང་འཁྱིལ་བ་དང་། ཞེ་སྡང་རུས་པའི་དུར་ཁྲོད་མཁར་དུ་བརྩིགས་པ་དང་། རབ་ཏུ་འཇིགས་ཤིང་སྤྱི་གཡའ་བའི་གནས་དེ་ན། མ་ཧེ་དང་། གླང་པོ་ཆེ་དང་། གཤིན་རྗེ་འབུམ
203b6 མནན་པའི་ཁྲི་ལ་ཉི་ཟླའི་དཀྱིལ་འཁོར་བརྩེགས་པའི་སྟེང་ན། འཇམ་དཔལ་ལྷ་མཆོག་ཡ་མཱནྟ་ཀ་ཉིད། ཡུམ་དང་གཉིས་མེད་བརྐྱང་བསྐུམ་ཚུལ་དུ་བཞུགས་སོ།། གཞན་ཡང་ཁྱད་པར་འཁོར་དུ་བསྟན་པ་གཞོན་ནུ
iiif viewer powered by OpenSeadragon
