| e-texts navigator |
| Wylie |
202b1 ཀྱི་སྐུ་གསུང་ཐུགས་ཀྱི་རྒྱུད་འཇམ་དཔལ་ཟླ་གསང་ནག་པོའི་རྒྱུད་ལས། འཁོར་གྱིས་བསྟོད་པའི་སྐབས་ཏེ་ལྔ་བཅུ་ང་བརྒྱད་པའོ།། །། འཇམ་དཔལ་ཟླ་གསང་ནག་པོའི་རྒྱུད་རྫོགས་སོ།། །། སློབ་དཔོན
202b2 བ་སུ་དྷ་ར་དང་། གནུབས་ཆེན་སངས་རྒྱས་ཡེ་ཤེས་ཀྱི་བསྐུར་བའོ།། །། @#།། རྒྱ་གར་སྐད་དུ། གུ་ཧྱ་ཙནྡ་ཤྲཱི་ཀཱ་ལ་ཨ་པྲ་ཧ་རི་ཀ་ལ་ཏནྟྲ། བོད་སྐད་དུ། དཔལ་ཟླ་གསང་ནག་པོ་རྩ་བའི
202b3 རྒྱུད། བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། བཅོམ་ལྡན་འདས་འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མཱནྟ་ཀ། ལྷོ
202b4 ཕྱོགས་གཤིན་རྗེའི་གནས།། དུར་ཁྲོད་ཆེན་པོ་གཏུམ་དྲག་ཚལ་ཞེས་བྱ་བ་ན།། རྒྱ་ཁྱོན་དཔག་ཏུ་མེད་པ། རྨང་གསེར་དུ་སྣང་བ་ལོགས་གཡུ་རུ་སྣང་བ། རྩེ་མོ་གནམ་ལྕགས་ངུར་མོ་སྣང་བ། འཁོར་ལོས་གཏམས་པའི
202b5 བད་བཏགས་པ། འཁོར་ལོ་དང་གནམ་ལྕགས་ཀྱི་འོད་ཕྱོགས་བཞིར་འཕྲོ་བ། འོད་ཟེར་རབ་ཏུ་འཁྲིགས་པ་ཡེ་ཤེས་དང་། ལས་ཀྱི་མེ་ཆེན་པོ་རབ་ཏུ་འབར་བས། མཆོག་ཆེན་དང་རྐང་ཆེན་དང་འཕྲོག་མོའི་དྲ་བ
202b6 བཏང་བ། བམ་ཆེན་པོའི་ཀ་བ་ལ་ཆུ་སྲིན་གྱི་ཀ་ཞུ་ཅན། འཁོར་ལོ་འབར་བའི་ཀ་གདན་ཅན།། ཐོད་པ་བརྩེགས་པའི་ལོགས་གློ་འབུར་ཕྱུང་བ། ཞིང་ཆེན་པོའི་བླ་རེ་དང་། ཆུ་སྲིན་གྱི་རྒྱལ་མཚན་དང་འཕན
iiif viewer powered by OpenSeadragon
