| e-texts navigator |
| Wylie |
193b1 བཟང་པོ་ཕྱི་ལྟར་བསྒྲུབ་པའི་སྐབས་ཏེ་ང་གཉིས་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས་གང་བ་བཟང་པོ་ནང་དུ་བསྒྲུབ་པ་འདི་གསུངས་སོ།། དཀྱིལ་འཁོར་མཐིང་ནག་གྲུ་གསུམ
193b2 ལ།། ཟླ་གམ་གསུམ་གྱིས་བསྐོར་བ་བྲི།། དམར་སྨུག་མེ་རི་ར་བས་བསྐོར།། དབུས་སུ་གཤེད་པོ་ཡབ་ཡུམ་སྟེ།། མདུན་དུ་གང་བ་བཟང་པོ་དགོད།། མཚན་ལྡན་ཐོད་པ་དུམ་གསུམ་དུ།། ལ་ཕུག་རུས་པའི་ཕྱེ་མ
193b3 དང་།། སྙིང་སྣ་ཁྲག་སྣ་སྦྱར་ལ་གཞག། དབུས་ཀྱི་གྲུ་གསུམ་མཐུར་དུ་བསྐོར།། ནང་དུ་རབས་ཆད་ཐོད་པ་གཞུག། ཉུང་ནག་ཉུང་དཀར་ལན་ཚྭ་དང་།། དུག་དང་སྨེ་ཁྲག་སྦྱང་བས་དགང་།། དམིགས་པའི་མིང་རུས་ཇི
193b4 བཞིན་བྱས།། ཐོད་པའི་ནང་དུ་གཞུག་པར་བྱ།། དུར་ཁྲོད་གྲོང་ཁྱེར་བཅོམ་ནས་ཀྱང་།། མཚན་མའི་རས་བླངས་སྐྱང་ནུལ་བྱ།། ལྡོང་རོས་ཆུ་རྩ་སེར་པོས་ཕྱུང་།། དུག་ཁྲག་སྦྱར་ནས་འཁོར་ལོ་བྲི།། དེ་བཞིན་ཡི་གེ
193b5 དགོད་བྱས་ལ།། ཐུན་གྱི་ཐོད་པ་ཁ་ཡང་བཅད།། དེ་ནས་རིམ་པས་ལས་རྣམས་བྱ།། ཧཱུཾ། གསང་བ་ཟུགས་ཀྱི་དཀྱིལ་འཁོར་འདིར།། གྲུབ་པའི་གནོད་སྦྱིན་ཆེན་པོ་སྤྱན་འདྲེན་ན།། བྱེ་བ་ས་ཡའི་འཁོར་དང་རབ་ཆས
193b6 ཏེ།། སངས་རྒྱས་བསྟན་པ་བསྲུང་ཕྱིར་གཤེགས་སུ་གསོལ།། ཨེ་ཧྱ་ཧི་རཀྵ་བ་སྣ་བ་བི་ས་མ་ཡ་ཧོ་ཧ། གསེར་ལྟར་རབ་ཏུ་བསྟན་པའི་རི་ངོས་ལ།། རྨ་བྱ་རབ་གནས་གསེར་དུ་སྣང་བ་ལྟར།། བདག་གིས་ཁྱོད་བསྒྲུབ
iiif viewer powered by OpenSeadragon
