| e-texts navigator |
| Wylie |
190a1 དོན་མ་ཡིན་རང་དོན་དུ།། དུར་ཁྲོད་ས་ཕུག་དགོན་པར་འགྲོ།། ཕྱི་བཤགས་སྡིག་སྦྱངས་བསོད་ནམས་བསག། མ་ཉེས་དབང་གཟུགས་གླུད་གཏོར་གཏང་།། དཀྱིལ་འཁོར་བརྩིག་ལ་ཆག་ཆག
190a2 གདབ།། ཐིག་གདབ་དཀྱིལ་འཁོར་ཆོ་ག་བྱ།། དཀྱིལ་འཁོར་མཐིང་ནག་གྲུ་གསུམ་བྲི།། འཁོར་ལོ་རྩིབས་བཞི་ཐོད་ཕྲེང་བཅས།། གྲུ་ཆད་སྒོ་བཞི་ལྡན་པ་ལ།། དུར་ཁྲོད་རྒྱན་དང་ལྡན་པ་ལ།། གྲུ་གསུམ་མེ་འོད
190a3 འབར་བ་བྲི།། སྒོ་བཞི་གྲུ་གསུམ་རེ་རེ་བྲི།། དེ་ནས་མཆོག་གི་ཕུར་པ་དགུ།། སྲོག་བདག་དགུ་ཡི་སྔགས་བྲིས་ལ།། དབུས་སུ་དཀར་པོ་སྙིང་འབྱིན་དགོད།། རྒྱན་དང་ཆ་ལུགས་གསལ་བར་བསྐྱེད།། ཤར་ཕྱོགས
190a4 རྩིབས་ལ་ཁུ་ལེ་དགོད།། ལྷོ་ཡི་རྩིབས་ལ་ཨག་གེ་དགོད།། ནུབ་ཀྱི་རྩིབས་ལ་ཨུག་གེ་དགོད།། བྱང་གི་རྩིབས་ལ་དྲང་ཟེ་དགོད།། ཤང་ཟེ་ཤར་ལ་ད་ཁོད་ལྷོ།། ནེ་ཁོང་ནུབ་ལ་ཉི་ཟླ་བྱང་།། དེ་ལྟར་སྒོ་བཞིར་དགོད
190a5 པར་བྱ།། འཁོར་གཞོང་དུང་ཕོར་བསེ་གབ་ཏུ།། སྙིང་སྣ་ཚོགས་ཀྱི་གཏོར་མ་བཤམ།། ལུག་དཀར་སྙིང་སྲོག་མ་བྲལ་བ།། སྲོག་རྩའི་ནང་དུ་མིང་རུས་གཞུག། སྙིང་རྩེ་གྱེན་དུ་བསྟན་ལ་གཞག། དར་དཀར་ཚིལ་གྱིས
190a6 ཁ་བཅད་ལ།། དབུས་སུ་སྲོག་བདག་ཉིད་ལ་གཞག། ཤར་དུ་ཁྲག་སྣའི་གཏོར་མ་གཞག་ལྷོ་རུ་ཤ་སྣའི་གཏོར་མ་གཞག། ནུབ་ཏུ་རུས་པའི་གཏོར་མ་གཞག། བྱང་དུ་མཁལ་མའི་གཏོར་མ་གཞག། དེ་ནས་སྒོ་བཞིའི
iiif viewer powered by OpenSeadragon
