| e-texts navigator |
| Wylie |
187b1 ཤུག་དཀར་པོའི་ཕུར་པ་དགུ། སྲོག་བདག་དགུ་རུ་མངའ་གསོལ་ལ།། དར་དཀར་སྲོག་སྙིང་བྲིས་ཏེ་གདགས།། འདི་སྐད་བརྗོད་ལ་དགོད་པར་བྱའོ།། ཧཱུཾ། དབུས་ཕྱོགས་ཤེལ་རེ་ཤེལ་གྱི་ཁང་པ་ནས།། ཁམས་གསུམ
187b2 སྲོག་ལ་མངའ་མཛད་པ།། སྲོག་བདག་ནག་པོ་རལ་པ་ཅན།། བསྟན་པ་བསྲུང་ཕྱིར་གཤེགས་སུ་གསོལ།། བསམ་པ་བསྒྲུབ་ཕྱིར་གཤེགས་ནས་ཀྱང་།། ཕོ་བྲང་དབུས་ཀྱི་ལེའུ་ཚེ་ལ།། དགྲ་བགེགས་བསྣོལ་བའི
187b3 གདན་སྟེངས་སུ།། དགྱེས་ཤིང་བརྟན་པར་བཞུགས་སུ་གསོལ།། གིང་ཀ་ར་ས་མ་ཡ་ཏིཥྛ་ལྡན།། ཞེས་དབུས་སུ་དགོད་དོ།། རྒྱལ་རིགས་སྲོག་ལ་མངའ་མཛད་པ།། སྲོག་བདག་རྒྱལ་པོ་ཁུ་ལེ་ཤོད།། དཀྱིལ་འཁོར
187b4 ཤར་གྱི་ལེའུ་ཚེ་ལ།། དགྱེས་ཤིང་བརྟན་པར་བཞུགས་སུ་གསོལ།། བྲམ་ཟེའི་སྲོག་ལ་མངའ་མཛད་པ།། རྒྱལ་པོ་ཆེན་པོ་ཨག་གེ་ཡང་།། ལྷོ་ཕྱོགས་དཀྱིལ་འཁོར་ལེའུ་ཚེ་ལ།། དགྱེས་ཤིང་བརྟན་པར་བཞུགས་སུ
187b5 གསོལ།། རྗེས་རིགས་སྲོག་ལ་མངའ་མཛད་པའི།། རྒྱལ་པོ་ཆེན་པོ་ཡུག་གེ་ཡང་།། དེ་བཞིན་ནུབ་ཀྱི་ཕྱོགས་སུ་དགོད།། དམངས་རིགས་སྲོག་ལ་མངའ་མཛད་པ།། རྒྱལ་པོ་ཆེན་པོ་བྲམ་ཟེ་ཡང་།། དེ་བཞིན་བྱང་གི
187b6 ཕྱོགས་སུ་དགོད།། བུད་མེད་སྲོག་ལ་མངའ་མཛད་པ།། རྒྱལ་པོ་ཆེན་པོ་ཤང་ཟེ་ཡང་།། དཀྱིལ་འཁོར་ཤར་ལྷོའི་ལེའུ་ཚེར་དགོད།། བྱིས་པའི་སྲོག་ལ་མངའ་མཛད་པའི།། རྒྱལ་པོ་ཆེན་པོ་ད་ཁོད་ཀྱང་།། དཀྱིལ
iiif viewer powered by OpenSeadragon
