| e-texts navigator |
| Wylie |
187a1 བཞིན་སྟོན་པར་ངེས།། ཉི་ཟླ་འཆར་དང་ལྡེར་སོ་དང་།། འབག་ཏུ་རྨིས་ན་ཐ་མར་བཤད།། བཙད་པོ་ཞང་བློན་དགེ་བཤེས་སམ།། དམག་དཔོན་རྨིས་ན་འབྲིང་དུ་བཤད།། རྒྱལ་པོ་ཉིད་མཐོང་ཉམས་སུ
187a2 སྟོན།། དེ་ལྟར་བྱུང་ན་རབ་ཏུ་བཤད།། བསྐང་བཤགས་བྱ་ཞིང་དངོས་གྲུབ་བླང་།། དམ་ཚིག་བསྲེ་ཞིང་ཕྲིན་ལས་བཅོལ།། དེ་ནས་འཁོར་ལོ་ཐོད་པར་བཅའ།། ཤར་དུ་ཁ་བལྟས་ཆུ་མིག་ངོར།། རྒྱལ་རིགས་སྦྱོར་བ
187a3 བྱས་གྱུར་ན།། སྒྲོ་འབོག་མཛེ་དང་ལྷོག་པས་འཆི།། ཐུན་དུ་འཕངས་ན་མཛེ་རིགས་འོང་།། མཁར་རྨང་གནན་ན་གནམ་ལྕགས་འབབ།། འཇམ་དཔལ་ཟླ་གསང་ནག་པོའི་རྒྱུད་ལས། རྒྱལ་པོ་ཕྱི་ལྟར་སྒྲུབ་པ་སྒྲོ་འབོག
187a4 གི་སྐབས་ཏེ་ཞེ་དགུ་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས་རྒྱལ་པོ་ནང་དུ་བསྒྲུབས་ཏེ་སྒྲོ་འབོག་གཏོང་བ་འདི་གསུངས་སོ།། ཐོག་མར་བླ་མ་མཉེས་བྱས་ཤིང་།། སྒྲིབ་པ་སྦྱོང་ཞིང
187a5 དམ་ཚིག་བསྲུང་།། མཚན་ལྡན་དགོན་པའི་གནས་ཉིད་དུ།། ལྟ་བ་རྒྱ་བསྐྱེད་འཇམ་དཔལ་བསྙེན།། བླ་མ་མཉེས་པའི་རིམ་གྲོ་བྱ།། དཀྱིལ་འཁོར་བརྩིག་དང་ཆག་ཆག་གདབ།། དེ་ནས་དཀྱིལ་འཁོར་བྲི་བ་ནི།། ཐིག
187a6 བཞི་བཏབ་ལ་ལེའུ་ཚེ་དགུ།། དབུས་ཀྱི་ལེའུ་ཚེ་དཀར་པོ་ལ།། ཤར་སེར་ལྷོ་སྔོ་ནུབ་དམར་བྱང་ནི་ལྡང་།། མཚམས་བཞི་སྤུག་ནག་སྒོ་དང་བཅས།། དབུས་སུ་གྲུ་གསུམ་རེ་རེ་བྲི།། དེ་ནས་ཙནྡན་དཀར་པོའམ།། རྒྱ
iiif viewer powered by OpenSeadragon
