| e-texts navigator |
| Wylie |
185a1 ནརྀ་བྷྱོ་བྷྱོ་སོད་སོད། མ་རུ་ཡ་མ་རུ་ཡ་ཚལ་པ་རྦད་ཡེད་ཡེད་ཤ་བྲུཾ་ཤ་བྲུཾ་རྦད། ཙ་དུར་མ་མ་དུ་ཟད། ཤ་བྲུཾ་ཡ་མ་བྷྱོ། ཤ་ཤ་ཙ་བྲུཾ་མ་ཡ་བྷྱོ། ཞེས་ཁྲིའམ་འབུམ་དུ་བཟླས། ཤ་ལ་རེག་པའི་གོས་ལ་བསླུས
185a2 ན་མཛེ་དང་ཕོལ་འབྲས་ཀྱིས་འཆི་བར་འགྱུར་རོ།། མཛེ་ཁྲག་ཆང་དང་སྦྱར་ནས་སྟོར་བཏང་ན་སྙིང་ལ་བབས་ཏེ་རུས་མཛེ་དང་མཛེ་ནད་འཐོར་བས་འཆི་བར་འགྱུར་རོ།། དེ་ནས་ཡང་དུག་རྫས་དང་རིམས་ཁྲག་སྣ
185a3 ཚོགས་སྦྱར་ནས་གོང་གི་སྔགས་རྣམས་དྲག་ཏུ་ཟླས་ཏེ། ཡུལ་ཁམས་ཀྱི་ལྷ་རྟེན་ནམ། ཆུ་མིག་ཀླུ་བཙན་ཡོད་ངེས་པའི་སའམ། བྲག་ཀླུ་བཙན་ཡོད་པའི་སར་གཏོར་ན་རིམས་ནད་སྣ་ཚོགས་ན་བུན་བཞིན་གཏིབས
185a4 ནས་འོང་བ་དང་། ཐོག་མེར་འོང་བ་དང་། སེར་བ་དྲག་ཏུ་འབེབས་པར་འགྱུར་རོ།། དཔལ་ཟླ་གསང་ནག་པོའི་རྒྱུད་ལས། ནད་ངན་སྣ་ཚོགས་གཏང་བའི་སྐབས་ཏེ་ཞེ་བརྒྱད་པའོ།། །། དེ་ནས་ཡང་བཅོམ
185a5 ལྡན་འདས་གཤིན་རྗེ་གཤེད་པོས་འགལ་བ་ཆམ་ལ་དབབ་པའི་ཕྱིར།། སྨྱོ་འབོག་གིང་གི་ཟླ་གསང་གསུངས།། དབང་དང་དམ་ཚིག་ལྡན་པ་ཡིས།། བླ་མ་མཉེས་པའི་རིམ་གྲོ་བྱ།། ལྟ་བ་ཡངས་ཤིང་སྤྱོད་ལམ
185a6 གོམས།། སློབ་དཔོན་མཉེས་པའི་ཐུགས་གཟུང་ནས།། མན་ངག་ཐུགས་ལ་ཕུར་ཏེ་བསྒྲུབ།། རི་གསུམ་རྩེའམ་བྲག་དཀར་རམ།། ལྷ་ཁང་དུར་ཁྲོད་སྤྲེའུ་དང་།། ཡང་ན་བྲག་ཕུག་ཤར་བལྟས་སུ།། རྩ་ན་ཕྲག་ཡོད་རྩི
iiif viewer powered by OpenSeadragon
