| e-texts navigator |
| Wylie |
184a1 ཀྱིས་ཁོང་ནས་དུག་གི་རླུང་བུས་ལ།། འདུ་བ་རྣམ་བཞིའི་ནད་ནི་འདུ་རུ་ཆུག། བག་གཞི་ས་ལ་ལྷུང་ནས་རྡེབས་སུ་ཆུག། དོན་སྙིང་རྣམ་ལྔ་ཁོང་ནས་ཁྲག་སྔགས་ཆུག། ལས་ངན་འཁོར་ཚོགས་ཆོ་ངེས
184a2 བརྡུང་དུ་ཆུག། མཁའ་ལྡིང་རྒྱལ་པོའི་ཚོགས་ཀྱིས་ལྟས་ངན་ཕོབ། དམ་བཅས་བཞིན་དུ་ཕྲིན་ལས་མྱུར་དུ་གྲུབ་པར་མཛོད།། ཅེས་བསྟོད་ཅིང་ཕྲིན་ལས་བཅོལ་གྱུར་ན།། གང་འདོད་རིམས་ནད་ཕྱོགས་སུ
184a3 འབེབས།། མ་མོས་སྲོག་བསྡུས་ཏེ་གསད་པར་བྱའོ།། དཔལ་ཟླ་གསང་ནག་པོའི་རྒྱུད་ལས། ཡམས་ནད་ཀྱི་བདག་མོ་མ་མོའི་ཟླ་གསང་གི་སྐབས་ཏེ་ཞེ་བདུན་པའོ།། །། དེ་ནས་བཅོམ་ལྡན་འདས་གཤིན་རྗེ
184a4 གཤེད་པོས་འདི་སྐད་གསུངས་སོ།། འགལ་བ་ཆམ་ལ་འབེབས་འདོད་པས།། ནད་ངན་སྣ་ཚོགས་དབབ་པ་ལ།། མ་མོ་གསང་བསྒྲུབ་ཟླ་གསང་གསུངས།། ཟླ་གསང་ནག་པོའི་རྒྱུད་དག་ལ།། ཐབས་ཀྱི་སྦྱོར་བ་མང
184a5 ཡོད་ཀྱང་།། བསྡུ་ན་རྣམ་པ་བཞི་རུ་འདུས།། བླ་མེད་བསྒྲུབ་མཐུ་རང་བྱུང་སྟེ།། འཇིག་རྟེན་བསྒྲུབ་པ་འདོན་གྱི་མཐུ།། རྟེན་འབྲེལ་སྒྱུ་མའི་སྦྱོར་བ་བཞིན།། རྫས་ཀྱི་ནུས་པ་དག་ལས་འབྱུང་།། གདོན་དང་རྫས་སུ
184a6 བཅས་པ་ལས།། རྣམ་གྲངས་མ་ངེས་ཁྱད་པར་མང་།། རྣམ་པ་གཉིས་ནི་གསལ་བྱ་སྟེ།། རྫས་དང་གདོན་དུ་བཅས་པས་བསྟན།། མྱུར་དུ་གསད་པའི་སྦྱོར་བ་ནི།། གང་ཡང་འདི་ལས་ཡོད་མ་ཡིན།། མ་མོ་ནག་སྨུག
iiif viewer powered by OpenSeadragon
