| e-texts navigator |
| Wylie |
182a1 ལ་ཞོན།། གཞན་ཡང་ཆེ་བའི་རྒྱན་དང་གདུག་པའི་རྒྱན།། སྟོང་གིས་བརྒྱན་པ་གསལ་བར་བསྒོམ།། ཏིང་འཛིན་སེམས་དཔའི་སྐུ་ལས་འོད་ཟེར་ནི།། ལྕགས་ཀྱུ་འབར་བའི་འོད་ཟེར་ཕར་འཕྲོས
182a2 ཏེ།། བདག་ཉིད་ཆེན་མོའི་སྲོག་ནས་རབ་བསྐུལ་ཏེ།། སྲིད་པའི་མ་མོས་སྟོང་གསུམ་ཁེངས་པར་བྱས།། གཤིན་རྗེའི་ཚོགས་ཀྱང་དེ་བཞིན་ཏེ།། སྲོག་ལ་རྔམ་པ་ཀུན་གྱིས་བསྐོར་བར་བསམས།། དེ་ལྟ་བུ་ནི་ཡང་ནས
182a3 ཡང་དུ་སྟེ།། དེ་ལྟར་ཐིབ་ཐིབ་ཡོད་སྙམ་ཆོ་འཕྲུལ་འབྱུང་།། དེ་ལྟ་བུ་ཡི་བར་དུ་བསྒོམ་པར་བྱ།། ཡེངས་པར་གྱུར་ན་ཅིས་ཀྱང་མི་འགྲུབ་པོ།། གཙོ་མོ་ལ་སོགས་སྲིད་པའི་མ་མོ་ཡིས།། གང་ལ་བྱ་བའི་སྙིང་ནས་རབ
182a4 བཟུང་སྟེ།། སྐྲ་གྲོལ་མིག་རྩ་རིག་རིག་འོ་དོད་ཙེ་རེ་རེ། གན་བུབ་བསྒྱེལ་ཞིང་ཁ་ནས་ཁྲག་སྐྱུགས་འབྱུང་།། ཅི་མཛད་འོན་ཏང་ཟེར་ཞིང་དབུགས་དང་བྲལ་ལ་ཁད།། ཐུན་ཁུང་ནང་དུ་རབ་ཏུ་འཇུག་པར་བསམ།། དེ
182a5 ལྟར་བསྒོམ་ལ་གཤེད་པོས་དབང་དུ་བསྡུ།། མཉེས་པའི་ཚུལ་གྱིས་བསྟོད་པ་འདི་སྐད་དབུལ།། དཔལ་ལྡན་ནག་མོ་མི་ཕམ་སྲིད་གསུམ་མགོན།། བདག་དོན་རྣམ་ཐར་གསུམ་ལ་ཐུགས་གཞོལ་ཡང་།། སྙིང
182a6 རྗེའི་དབང་གིས་རྗེས་ལ་ཐོབ་པ་ཡི།། ཤེས་རབ་སྣ་ཚོགས་དག་གིས་འགྲོ་དོན་མཛད།། ལྷ་མོ་སྐུ་མདོག་ནག་མོ་ཆར་སྤྲིན་མདོག། མཚན་མོ་ནག་མོ་ཤིན་ཏུ་གཏུམ་པའི་སྐུ།། ཤིན་ཏུ་སྒེག་ཅིང་ཀེང་རུས་ལུས་འཆང
iiif viewer powered by OpenSeadragon
