| e-texts navigator |
| Wylie |
178b1 དབང་ཤ་ཁྲག་དང་།། སྨན་དང་སྙིང་དང་ཁྲག་ཏུ་སྦྱར་ལ་གཞག། ཟླ་གམ་གསུམ་ལ་ནག་མོ་ཕུང་གསུམ་ལ།། སྐྱེས་པ་དར་མ་གྲིར་ཤིའི་བྷནྡ་རུ།། གླང་ནག་སྙིང་དང་པདྨ་རཀྟ་དང་།། སྦྲུལ་ནག་སྙིང་དང་འུག་པའི
178b2 མིག་འབྲས་དང་།། ཕག་རོག་སྙིང་དང་བུད་མེད་ཀླད་ཁྲག་གཞག། འཁོར་ལོ་བཞི་ལ་ཕུང་བྱེད་མ་བཞི་ལ།། གཞོང་པ་གྲུ་གསུམ་ནང་དུ་ཡང་།། ཁྲག་སྣ་གསུམ་དང་སྟག་སེང་གླང་།། སད་བདག་རྒྱལ་པོའི་སྙིང་བཞི
178b3 གཞག། རྩིབས་མཚན་བཞི་རུ་ཤན་པ་མ་བཞི་ལ།། མཛེ་མོའི་ཐོད་པའི་ནང་དག་ཏུ།། སྙིང་དང་ཁྲག་གི་གཏོར་མ་གཞག། གྲུ་ཆད་གདོང་མོ་བཞི་ཡི་དམ་རྫས་སུ།། ཡུགས་ས་མོ་ཡི་ལྡན་ཕོར་དུ།། སྟག་དོམ་བན་གླང
178b4 མི་སྙིང་དང་།། རང་རང་ཁྲག་ཏུ་སྦྱར་ལ་གཞག། བར་ཁྱམས་བསེ་མོ་བཞི་ལ་ཡང་།། བ་མེན་རྭའམ་དུང་ཕོར་དུ།། མར་ཁུ་སྦྲང་རྩི་འོ་མ་དང་།། ཁྲག་སྣ་མང་པོ་སྦྱར་ཏེ་གཞག། དེ་ནི་བསྒྲུབ་པའི་དམ་རྫས་སོ།། དེ་ནས
178b5 དཀྱིལ་འཁོར་བྱང་ཤར་དུ།། སྨན་ཕུད་རཀྟས་སྤྲས་པ་ལ།། མཆོད་རྟེན་མཐོ་གང་གྲུ་བཞི་པ།། དུར་སོལ་ནག་པོས་བསྐུས་ལ་གཞག། དེ་བཞིན་ལས་ཀུན་ཟིན་པ་དང་།། དུག་ཁྲག་མིང་རུས་བཅས་པ་རྣམས།། མཆོད
178b6 རྟེན་བུམ་པའི་ནང་དུ་སྩལ།། ལྷ་ཕྱག་བྱ་ཞིང་སྔགས་ཀྱང་བཟླས།། མཆོད་རྟེན་མ་མོ་བརྣག་པ་གསུམ།། ཆུ་མིག་ཉ་ལྕིབས་ཅན་དུ་སྦ།། མ་ཉེས་དབང་གཟུགས་མཁྱེན་པར་གསོལ།། གཏོར་མ་གཏོང་བའི་དུས་ཚོད
iiif viewer powered by OpenSeadragon
